توتی نمرەکا نوو تومارکر
ئەڤرۆ نيوز:
ستیبَرا تەپا پێ یا ئیتالی و کاپتنێ یانا روما فرانچیسکو توتی دەستکەفتەکا دی تومارکر ب گولا خوە ل سەر یانا ساسولو د یاریا وان دل ژ چارچوڤێ یاریێن حەفتیا چارێ ژ خولا ئیتالیا یا تەپا پێ.
توتی ل دەقیقا ٣٧ تورا گولا یانا ساسولو ھەژاند و گولا وەکھەڤیێ بو یانا خوە تومارکر و دبیتە گولا ھژمار ٣٠٠ د کاروانێ وی دا ل گەل یانا روما یا ب گورگێن پایتەختێ ئیتالیا دھێتە نیاسین د ھەڤی قارەمانیێن پشکداری تێداکری و ل دەمێ تومرکرنا گولێ یانا ئاھەنگ گێران و ب رێکا شاشێن مەزن یێن تلفزیونێ ھاتە نیشاندان.
ڤی یاریکەری ھەتا نوکە پشکداری د ٧٤٤ یاریان دا کریە ژ وانا ٢٤٣ گول د خولا ئیتالیا دا و ١٧ گول د کاسا ئیتالیا دا و ٣٨ د قارەمانیێن ئوروپی دا و ب تنێ گولەک د کاسا سوپەر دا و ڤی یاریکەری ھەتا نوکە درێسێ چو یانێن دی ل بەرخوە نەکریە ژ یێ یانا روما زێدەتر.
