توركیا ئەڤ بریارە ل دژی ئەمریکا دا
ئەڤرۆ نیوز ، زنار تۆڤی:
په‌یڤدارێ پارتیا ده‌ستهه‌لاتدارا توركیا ئاكه‌پێ راگه‌هاند: کو وه‌زاره‌تا ده‌رڤه یا تورکیا دێ ب كریار به‌رسڤا سزایێن ئه‌مریكا ده‌ت و دهێته پێشبینیكرن، بنگه‌هێ ئه‌نجه‌رلیك ل هه‌مبه‌ری ئه‌مریكا بگریت.
ماهر ئۆنال په‌یڤدارێ ئاكه‌پێ ئه‌ڤرۆ پێنجشەمبی دیارکر: نوکە وه‌زاره‌تا ده‌رڤه مژوولی دانانا خشته‌‌كێ به‌رسڤێن بله‌زه ل دژی سزایێن ئه‌مریكا كو ئه‌و خشته خوه د چه‌ند كریاران دا دبینیت و وه‌زیرێ ناڤخوه دێ وان سزا و كریاران ئاشكرا كه‌ت.
لدووڤ چاڤدێران ره‌نگه به‌رسڤا بله‌ز یا توركیا گرتنا بنگه‌هێ سه‌ربازی یێ ئه‌نجه‌رلیك بیت ل هه‌مبه‌ر هێزێن ئه‌مریكا.
بنگه‌هێ سه‌ربازی یێ ئه‌نجه‌رلیك كو ل باژارێ ئه‌ده‌نه یێ توركیا یه، ل سالا 1953 هاتیه ئاڤاكرن، ناڤه‌نده‌كا سه‌ربازی یا هێزێن ناتۆیێ یه و پتریا جاران ل ده‌مێ تێكچوونا په‌یوه‌ندیێن سیاسی یێن ئه‌مریكا و توركیا، ئه‌نقه‌ره گه‌فا داخستنا وی بنگه‌هی كریه.
