توركیا ب چەكەكێ نوو یێ گازی گوندێن دەڤەرا ئامێدیێ تۆپباران دكـەت
ئامێدیێ، مەحمود نهێلی:
لەشكرێ توركیا؛ ئەوێن ل دەڤەرێ ئاكنجی، ل ڤێ دوماهیێ ب گازەكا نوو گوندێن دەڤەرا ئامێدیێ تۆپباران دكەت.
ل دووڤ شاهدحالان تۆپخانەیێن لەشكرێ توركیا چەندین جاران پشتا گوندێ بلاڤە ل سنۆرێ ناوچەدارییا دێرەلۆكێ تۆپباران كریە، وی ژێدەری پشتڕاستكر، ئەو چەكێ نوكە دەڤەر پێ دهێتە تۆپبارانكرن دوكێلەكا سپی ژێ بلند دبیت و زێدەتر ژ 45 خۆلەكان ل وێ ناوچەیێ دمینیت یێ تۆپ ڤێ دكەڤیت و گۆت: «گەلەك جاران بێهنا دووكێلا وێ گازێ دگەهیتە ناڤ گوندی و دیار دبیت، كو جۆرەكێ نوو یێ گازێ یە، د ڤان تۆپبارانێن دوماهیێ دا دهێتە بكارئینان».
هەمان ژێدەری گۆتژی: «گەلەك جاران لەشكرێ توركیا ب ئەنقەست ئاگر بەردایە رەز و باغێن خەلكی و دارستانا دەڤەرێ سۆتیە و نەهێلایە ل هندەك جهان ئاگر بهێتە ڤەمراندن ژی».
