توركیا دو به‌رپرسێن ئیخوان موسلمین راده‌ستی ئیماراتێ كر
ب، سه‌رجان مه‌حمود:
ئه‌رك ئاجاریر رۆژنامه‌ڤانێ تورك بۆ رۆژناما بیرگوون یا توركیا راگه‌هاند پشتی هه‌ڤدیتن د ناڤبه‌را توركیا و ئیماراتێ دا ده‌ستپێكری ده‌وله‌تا توركیا دو به‌رپرسێن مه‌زن یێن ئیخوانێ راده‌ستی ئیماراتێ كریه و گۆت: (ژ ده‌ستپێكا ئاڤاكرنا ئاكپارتیێ ڤه په‌یوه‌ندیێن وێ ل گه‌ل رێكخستنا ئیخوان موسلمین هه‌بوو و پشتی ده‌ستپێكرنا بهارا عه‌ره‌بی و ب پشته‌ڤانیا توركیا ل مسرێ و مه‌غربێ ده‌ستهه‌لات كه‌ڤته ده‌ستێ ئیخوانێ و ل سووریێ و لیبیا ژی توركیا هه‌ول دده‌ت كو ئه‌ڤ رێكخستن سه‌ربكه‌ڤیت و پرانیا به‌رپرس و ئه‌ندامێن ئیخوانێ كو ژ ئیماراتێ و سعوودیێ ره‌ڤینه به‌رێ خوه داینه توركیا و ل ڤێرێ بجه بووینه و ئه‌ڤ ژی بو سه‌ده‌مێ وێ یه‌كێ كو په‌یوه‌ندیێن سعوودیێ و ئیماراتێ ل گه‌ل توركیا تێك بچن، لێ نها توركیا دڤێت سه‌ركردێن ئیخوانێ راده‌ستی ئیماراتێ بكه‌ت دا په‌یوه‌ندیێن خوه ل گه‌ل ئیماراتێ و سعوودیێ باش بكه‌ت).
ناڤهاتی ئه‌و یه‌ك ژی دیار كر كو پشتی هه‌لبژارتنێن مه‌غربێ و شكه‌ستنا ئیخوانان توركیا ژی ده‌ست ب سیاسه‌ته‌كا نوو كریه و دخوازیت په‌یوه‌ندیێن خوه ل گه‌ل ئیماراتێ و سعوودیێ باش بكه‌ت و ژ به‌ر هندێ ژی توركیا دو سه‌ركردێن مه‌زن یێن ئیخوانان راده‌ستی ئیماراتێ كرینه و ب رێیا ئیماراتێ ژی دڤێت په‌یوه‌ندیێن خوه ل گه‌ل سعوودیێ ئاسایی بكه‌ت.
