تورکـیا پێدڤـی ب لێبۆرینەکا گشتی هـەیە
بولەنت ئارنچ سەرۆکێ بەرێ یێ پەرلەمانێ تورکیا دیار کر، ژ بۆ ئاشتیێ و پێکڤەژیانێ و چارەسەرکرنا پرسێن ل تورکیا پێدڤی ب لێبۆرینەکا گشتی یا هەی، هەر رۆژ بەحسێ ئاشتیێ و برایەتیێ دهێتە کرن، لێ مخابن ب کریاری چو نەهاتیە کرن، تنێ گۆتن بەس نینە، ب هزاران کەس ل زیندانان دانە، یێن ژ بەر بابەتێن سیاسی هاتینە دەستەسەر کرن دڤێت بهێنە ئازاد کرن، ئێدی نابیت ژ بەر هزرێن سیاسی چو کەسەک ل تورکیا بهێتە دەستەسەرکرن.
ناڤهاتی ئەو یەک ژی دیار کر، هەکە لێبۆرینەکا گشتی دەرکەڤیت و گەلەک زیندانێن سیاسی بهێنە ئازاد کرن دێ ئەو یەک کاریگەریەکا گەلەک باش ل سەر جڤاکێ تورکیا هەبیت، مخابن هەتا نها ژی گەلەک کەس وەسا دبینن کو قووناغا ئاشتیێ تنێ ژ بۆ بەرژەوەندیا هندەک هێزێن سیاسی یە، دڤێت ب کریاری هندەک تشت بهێنە کرن دا باوەریا خەلکی ب قووناغا ئاشتیێ بهێت، د رەوشا نها دا وەکو پێنگاڤەکا گرنگ و دلخوەشکەر دڤێت لێبۆرینا گشتی بهێتە دەرکرن.
