تورکمانان داخوازی ژ پێشمەرگەی ھەنە
ئەڤرۆ نیوز، سالار دۆسکی:
ئایدن مەعرۆف ئەندامێ پەرلەمانێ کوردستانێ ژ فراکسیۆنا بەرەی تورکمانی رۆلێ پێشمەرگێ کوردستانێ دئازادکرنا شنگال دا بلند نرخاند و ئەڤ ھیڤی یە ژ پێشمەرگەی خواست.
ئایدن مەعرۆف بۆ ئەڤرۆ نیۆز گۆت: “داخواز دکەین پێشمەرگە ھەفکار بیت ل گەل ھێزێن تورکمانی د ئازادکرنا تله‌عفەر دا و ئەڤە ل گەل ھێزێن ھەڤپەیمانان چونکە ئەڤ دەڤەره یا ستراتیجی یە بۆ ھەرێم و عیراق و ب تایبەت بۆ تورکمانان”.
ھێشتا گۆت: “نوکە 5% تورکمان ل ڤی باژێری نەماینە و ھەموو ژ ترسێ رەڤینە و نوکە د دەستێ داعش دایە”.
سەنتەرێ قه‌زا تله‌عفەر 300 ھزار کەس تێدا دژین و ھەموو تورکمان و ب مه‌زنترين قه‌زايا ل سه‌ر ئاستێ عيراقێ دهێته هژمارتن.
