تورکیا بوویە مەترسیەکا مەزن بۆ ئسرائیلێ
رۆژنامەیا ئسرائیل هایۆم د راپۆرتەکێ دا دیار کریە، نها تورکیا ژی وەکو ئیرانێ بوویە مەترسی ژ بۆ ئسرائیلێ، تورکیا ب بزاڤێن خوە یێن ل رۆژهەلاتا ناڤین ب هەموو رەنگەکێ دژبەریا ئسرائیلێ دکەت، د دەمێ شەڕێ ئیرانێ و ئسرائیلێ دا ژی تورکیا ب رەنگەکێ ئاشکرا پشتەڤانیا ئیرانێ دکر، ئەو یەک ژی نیشا ددەت تورکیا هێدی هێدی دبیتە مەترسیەکا گەلەک مەزن ژ بۆ ئسرائیلێ.
هەمان رۆژنامێ ئەو یەک ژی دیار کریە، تورکیا کار ژ بۆ پیتاندنا یۆرانیۆمێ دکەت و ئەردۆغانی د شەڕێ ئسرائیلێ و ئیرانێ دا ب رەنگەکێ ئاشکرا دیار کر، ئسرائیلێ تنێ ئێرشی ئیرانێ نەکریە بەلکو ئسرائیلێ ئێرشی تورکیا ژی کریە و تورکیا وەکو ئیرانەکا نوو بناڤکر، ئەو یەک ژی نیشا ددەت تورکیا ب هەموو رەنگەکێ نها ل دژی ئسرائیلێ ل رۆژهەلاتا ناڤین کار دکەت، بزاڤێن تورکیا گەلەک مەترسیدارن و دڤێت ئسرائیل کار بۆ ژناڤبرنا مەترسیێن تورکیا ژی بکەت.
