تورکیا: دێ قەیرانا ئابووری چارەسەر کەین
محەمەد شیمشەک وەزیرێ ئابووری یێ تورکیا راگەهاند، پارتێن ئۆپۆزسیۆنێ ل تورکیا ژ بۆ کۆمکرنا دەنگان بەردەوام بەحسێ قەیرانا ئابووری ل تورکیا دکەن، راستە نها رەوش خرابە لێ وان بەرنامەکێ گەلەک باش داناینە و د دەمەکێ نێزیک دا دێ گاڤ ب گاڤ رەوشا ئابووری یا تورکیا باش بیت و دێ قەیرانا ئابووری ل تورکیا ب دووماهی هێت.
ل ئالیێ دی سەرۆکێ پارتا کۆماریا گەل ژی دیار کر، چو بەرنامێن ئاکپارتیێ بۆ چارەسەرکرنا قەیرانا ئابووری نینن، تشتێ وەزیرێ ئابووری دبێژیت تنێ بۆ خاپاندنا خەلکی یە، چونکی ئاکپارتیێ هەتا نها چو پرۆژە بۆ باشکرنا رەوشا ئابووری یا تورکیا ئامادە نەکرینە و هەکە رەوش وەسا بەردەوام بیت دێ کارەساتێن مەزن ل تورکیا روو دەن و دڤێت ئاکپارتی راستیا هەی بۆ خەلکی ئاشکرا بکەت.
