تورێن جڤاکی گوھرین ب سەر شێوازێن ئەڤینیێ دا ئیناینە
ئەڤرۆ نیوز ، نەوزاد ھلوری :
ھاتنا تورێن جڤاکی ب گشتی و فەیس بووک ب تایبەتی بوویە سەدەم کو رێیێن ئەڤینیێ ژی ب ساناھیی بکەڤن ، و دنھا دا فەیس بوکێ دەھان گەنج بخوڤە مژولکرینە و رێیا سەرکەفتنا ئەڤینیێ ب ساناھیی کریە و ھەتا نھا ل کوردستان و جیھانێ ھەزاران گەنج ب رێیا فەیس بوکێ چووینە د ھێلینا زێریندا ، و شارەزایەکێ جڤاکی ددەتن دیارکرن کو جوداھیا ئەڤینا نھا و پێش چەند سالان ئەوە کو ئەڤینا نھا ل ژڤانان ھاتیە د موبایلان دا.
ئەسکەندەر سەیفەددین گەنجەکە کو ب رێیا فەیس بووکێ خێزان پێکئینایە و گۆت : ( ئەڤینا فەیس بووکێ رێیەکا ب ساناھیی یە بەلێ مەترسیدارترین و ب زەحمەترین رێیە ژی کو مروڤ بگەھیتە ئەنجامێن ئەرێنی و بکاریت باوەرێ بدەستخوڤە بینیت ژبەرکو ئیرو دەھان کچ و کور فەیس بووکێ ب بھانەیا ئەڤینیێ فەیس بووکێ بوو ھندەک مەرەمێ، دن مینا دەستڤەئینانا پارەی و بابەتێن سیخوریێ بکاردئینن )
زێدەتر گۆت : ( ھەتا کو مروڤ بکاریت ئەنجامێن باش پێدڤی یە کەساتیا خوە بپارێزیت و خوە نەدەتن دەست ھەرکەسی و باشترە ئھەر تشتی َدناڤبەرا وان دا دھێتە گوتن ب بەلگە و ئاخفتنێ، راستگو و باوەرپێکری بیت ژ بەرکو ھەر شاشیەکا بھێتەکرن مەزنترین زیان ب دەرون و رەوشتێ مروڤی دکەڤن ب تایبەتی ئەگەر ئەو کەسی َمروڤ دگەل د ئاخڤیت رابیت ب بەلاڤکرنا ھەموو ئاخفتنێ، مروڤی د فەیس بووکێ دا )
دلێر جانگیر وەکو شارەزایەکێ جڤاکی دیارکر کو ئەڤینا نھا چوونا ژڤانێن دەرڤە گرتیە و ھاتیە د موبالان دا و ئو ئەڤرۆ نیوز گۆت : ( دجڤاکێ نھادا گەلەک رێک ھەنە بوو گەھشتنا ئەڤینیا سەرکەفتی و بێگومان دنھادا فەیس بووکێ پتر ھەموو تشتەکێ رەواجا خوەیا ھەیی و پێدڤی یە ئەڤ یەک ژی بھێتە قبولکرن )
زێدەتر گۆت : ( ئەڤینی تشتەک پیروزە و پێدڤی یە ب پیروزی بھێـە راگرتن ئەڤجا ئەڤ ئەڤینیە چوو لسەر فەیس بووکێ بیت یان ژی ب رێیەکا دن ، گرنگ ئەوە مروڤ خودان کەسایەتی و رەوشتەکێ بلند بیت و کەسەکێ خاپێنەر و بەرژەوەند و ماددی نەبیت ، بەلکو مەرەم ئاڤەدانکرنا خێزانەکێ بیت دگەل کەسەکێ ، ژبەرڤێ گرنگە کو ھەر تشت د سنوورەکێ دیارکری دا بیت داکو تام و خوشیا خوە ھەبیت و پاشەرۆژێ ببیتە ئەڤینەک ئاقژ و خێزان لسەر بھێنە ئاڤاکرن )