توندوتیژی بەرانبەر زاڕۆیان مەترسییەكا مەزنە ل سەر جڤاكێ
ئاشتی سالح
توندوتیژی بەرانبەر زارۆیان ئێك ژ گرنگترین ئاریشەیێن جڤاكا مەیە كو رۆژانە دبینین و دبهیسین. هەر زارۆیەك ژ دایك دبیت، ماف هەیە ب ئازادی و ئارامی ژیانا خۆ بەردەوام بكەت. لێ مخابن گەلەك جاران، زارۆك دبنە قوربانیێن توندوتیژیێ، چ ل مالێ چ ل قوتابخانێ یان جهێن گشتی توندوتیژی ل گەل زارۆیان ب چەند جۆران دهێتە دەستنیشانكرن. ئەو دشێت توندوتیژیا لەشی بیت وەكی لێدان و پێدان، یان توندوتیژیا دەروونی وەكی قێركرن و بێڕێزیكرن، یان توندوتیژیا رەفتاری وەكی بێخوارن و بێج ل هێلان. هەمی ئەڤ جۆرێن توندوتیژیێ كارتێكرنا نەرێنی ل سەر كەسایەتیا زارۆكی دكەن، نەخاسمە ل قۆناغێن ژیانێ یێن دەستپێكێ ئەگەرێن توندوتیژیێ ل دژی زارۆكان گەلەكن. هندەك دایك و باب توندوتیژیێ وەكی رێكەكا پەروەردەیی بكاردئینن، ژبەر كو ب خۆ ب ڤێ رێكێ هاتینە مەزنكرن. هندەكێن دی ژ زیرەكیا نزم یان نەزانینێ، شێوازێن هەڵە بكاردئینن بۆ گوهۆرینا رەفتارێن زاروكێن خۆ. بێگومان، ئاریشەیێن ئابووری، كێشەیێن نەساخیێن دەروونی، و زێدەگاڤیا كەیفخۆشكەران ژی رولەكێ مەزن دلیزن د ڤێ چەندێدا كارتێكرنێن توندوتیژیێ ل سەر زارۆیان گرانن ژ ئالیێ لەشی ڤە، زارۆك دێ بریندار بن و ژ ئالیێ دەروونی ڤە، ترس و خەم و دودلی دێ كەسایەتیا وان داگیركەن. زارۆیێن قوربانیێن توندوتیژیێ، دێ ب زەحمەت باوەریێ ب خۆ و كەسێن دۆرهێلا خۆ ئینن، و پتریا جاران دێ توندوتیژیێ دژی كەسانێن دی بكاربینن دەمێ مەزن دبن چارەسەركرنا ڤێ كێشێ، پێدڤی ب هاریكاریا هەمی ئالیانە. دڤێت مللەت هشیار بیت سەبارەت ب مەترسیێن توندوتیژیێ، و دڤێت دایك و باب فێری رێكێن راست یێن پەروەردەكرنێ بن. قوتابخانە و دامودەزگەهێن پەروەردەیی ژی پێدڤیە بەرنامەیێن تایبەت بۆ هشیاركرنێ دانن. د هەمان دەم دا، حوكمەت پێدڤیە یاسایێن تایبەت دەربئێخیت بۆ پاراستنا زارۆیان و كەسێن توندوتیژیێ دژی زارۆیان دكەن، بێنە سزادان.ب كورتی، توندوتیژی بەرامبەر زاروكان ئاریشەیەكا مەزنە، لێ نەچارەسەر نینە. ئەگەر هەمی ئالی پێكڤە كاربكەن و هەر ئێك ئەركێ خۆ بجهبینیت، دێ شێین جڤاكەكا ئارام بۆ زارۆیێن خۆ چێكەین و دێ شێین كەسێن پاشەرۆژێ ب ئارامی و بێ توندوتیژی پەروەردە كەین.
