توندوتیژی جڤاکی فالنجی دكەت
كاژین عەبدولعەزیز رێكانی
ئەو توندوتیژیا دەرهەقێ ئافرەتێ دا دهێتەكرن كارەكێ ترسناكە ل سەر خێزانێ و جڤاکی، تدندوتیژیا دەروونی ئەڤەژی دو جورا ب خوەڤە دگریت، تدندوتیژیا دەروونی یا ئەكتیف ئەڤە زۆر شێوازا ب خوەڤە دگریت ئانكو ژیانا رۆژانە یا زەلامی و ئافرەتێ د مالێ دا بۆ نموونە زەلام ترانا ب خێزانا خوە بكەتن بێژیتێ فلان جلكێ تە یێ بدلێ من نینە و تۆ نزانی وەكی پێدڤی خارنێ بەرهەڤ كەی زوو ژ هەڤژینا خوە تێر ببیت بتنێ وەكو ئالاڤەك بۆ حەزێن خوە ب كاردبینیت و رێكێ نەدەتێ بچیتە مالا خزم و كەسو كارێن نێزیكی خوە و گودتنێن نە ساخلەم بێژیتە كەسوكارێن وێ ئافرەت ئەڤان رەفتاران ل سەر خوە قەبیل ناكەت و توندوتیژی پەیدا دبیت.
تدندوتیژیا پەسیڤ چییە ؟ ئەو رەفتارێن رۆژانە زەلام بەرامبەر ئافرەتێ ئەنجام دەتن دبنە هۆكار ئافرەتێ باوەری ب هەڤژینێ خوە نەمینیت د ڤی حالەتی دا بارێ دەروونی یێ ئافرەتێ تێك دچیت زۆر جاران بۆیە ئەگەر خوە كوشتن پەیدا ببیت دێ بێژیت ئافرەتەكێ خوە سوت و دێ هیتە پسیاركرن ئەگەر چ بویە دێ بێژن مانێ ئێشا دەروونی هەبوو! بەلێ كەس پسیار ناكەت ئەف ئێشا دەروونی ژ كیڤە هات.
ئەرێ ما هین هزرناكەن ژ لێدان و ئەشكەنجەدانێ و دەرئێخستنا ژ مال ب زۆری و سڤكاتی پێ كرن ژلایێ هەڤژینێ وێ یێ نە بەرپرس ئەف جۆرە رەفتارە دبنە هۆكارێن تێكچۆنا بارێ دەروونی یێ ئافرەتێ و ب درێژیا دیرۆکێ و تانوكە ژی تدندوتیژی یا دگەل ئافرەتێ دهێتەكرن.
