تووشبوویێن نه‌خۆشیێن ده‌روونی دروسته بهێنه نشته‌رگه‌ریكرن؟
ئه‌ڤرۆ، به‌رپه‌رێ ساخله‌میێ:
تووشبویێن خه‌موكیێ چ گرنگیێ ب خوه ناده‌ن، له‌ورا ده‌مێ نشته‌رگه‌ریه‌ك بۆ دهێته كرن هێشتا ده‌روونێ وان تێك دچیت و ئه‌ڤه كارتێكرنێ ل سلامه‌تیا وان دكه‌ت، هنده‌ك ڤه‌كولینێن نوو ل سه‌ر وان نه‌خۆشان هاتنه كرن ئه‌وێن ئاریشه‌یێن ده‌روونی هەین و نشته‌رگه‌ری بۆ هاتینه ئه‌نجامدان.
ڤه‌كولینان دیاركر كو سێتكا نه‌خۆشان پشتی نشته‌رگه‌ریێ تووشی حاله‌تێن ده‌روونی دبن، به‌لێ دێ چ قه‌ومیت هەكه كه‌سه‌ك ژلایێ ده‌روونی یێ دروست نه‌بیت و نشته‌رگه‌ریه‌ك بۆ بهێت كرن؟ ئه‌رێ ده‌لیڤا ساخله‌مبوونا وان گیرۆ دبیت یان حاله‌تێ وان كارتێكرنا خۆ هه‌یه؟
ل سه‌نته‌رێ باژێرێ ئه‌یوا یێ كاروبارێن پزیشكی، ڤه‌كوله‌ر رابوون ب شروڤه‌كرنا هنده‌ك داتایێن تایبه‌ت ب كومه‌كا نه‌خۆشان كو پێكهاتی بوون ژ ٣٥٥٣٩ نه‌خۆشان ل باژێرێن جودا جودا یێن ئه‌مریكا، پشتی كو نشته‌رگه‌ری بۆ هاتینه كرن و هاتینه ره‌وانه‌كرن بۆ پشكا چاڤدێریا چر، وەسان دیاربوو كو چارێكه‌ك ژوان به‌ری هێنگی ئاریشه‌یێن ده‌روونی هه‌بووینه.
و پشكنینێن ده‌ستنیشانكرنێ دیاركر كو ١٦% ژوان تووشی خه‌موكیێ بووینه، و ١٨% گازنده ژ فشارا ده‌روونی هه‌بووینه و ٧% تووشی ئالوزیێ و ٢% گێولێ وان تێك دچوو و ٢% هزرا وان تێكچبوو.
نه‌خۆش پشتی نشته‌رگه‌ریێ:
بۆ ڤه‌كوله‌ران دیاربوو كو هنده‌ك نه‌خۆشان پتر ژ ته‌نگه‌زاریه‌كێ هه‌بوویه و رێژا ٩٧% ژ زه‌لامێن كو ڤه‌كولینێ ژێ گرتی ژیێ وان ٦٥ سالبوون، به‌لێ ئه‌وێن پتر ژ ته‌نگه‌زاریه‌كێ ددیت ئه‌و چار سالا ژوان بچووكتر بوون، سه‌ره‌رای كو ئه‌و ژنوو چبوونه د قوناغا پیریێ دا، به‌لێ رێژا مرنا وان گه‌هشته ١٥% دناڤ نه‌خۆشخانان دا و پتر ژ ٢١% دماوێ هه‌یڤا ئێكێ پشتی نشته‌رگه‌ریێ گیانێ خوه ژده‌ست ددان.
ته‌نگه‌زاریێن ده‌روونی:
پتریا روودانێن مرنێ دناڤ نه‌خۆشێن تووشبویێن خه‌موكیێ دا په‌یدابوون، رێژا مرنا وان پشتی بوورینا هه‌یڤه‌كێ ژ نشته‌رگه‌ریێ گه‌هشته ٢٣% و ل ده‌ف نه‌خۆشێن ئالوزیێ گه‌هشته ٢٥%، به‌لێ ته‌نگه‌زاریێن دی یێن ده‌روونی، گه‌له‌ك مه‌ترسی ل سه‌ر ژیانا نه‌خۆشی نه‌بوو، سه‌باره‌ت مرنا نه‌خۆشیێن خه‌موكیێ و ئالوزیێ پتر ژ كه‌سێن دی ڤه‌كوله‌ران
هنده‌ك ئه‌گه‌ر هه‌لبژارتن ژ وانژی:
١- پتریا نه‌خۆشێن خه‌موكیێ گرنگیێ ب خۆ ناده‌ن، له‌ورا ئه‌نجامدانا نشته‌رگه‌ریه‌كێ بۆ وان پتر ره‌وشا وان یا ده‌روونی تێك دچیت و ئه‌ڤه ساخله‌مبوونا وان ب زه‌حمه‌ت دئێخیت.
٢- نه‌بوونا خزمه‌تێن ساخله‌میێ ل هنده‌ك نه‌خوشخانه‌یان و كێمیا پێزانینێن كارمه‌ندێن وان نه‌خۆشی پال دده‌ن كو تووشی ئاریشه‌یێن ده‌روونی ببیت و زووكا ساخله‌م نه‌بیت.
٣- پتریا جاران نه‌خۆشێن خه‌موكیێ و ئالوزیێ حه‌ز ناكه‌ن بچنه لایێ نوشداری ژبه‌ر تێكچوونا گێولێ وان و هه‌تا ره‌وشا وان یا ساخله‌میێ گه‌له‌ك تێك نه‌چیت ئه‌و ناچنه نه‌خوشخانێ ژی، له‌ورا له‌شێ وان و ساخله‌میا وان پتر پێتی دبیت و شیانێن له‌شێ وان بۆ نشته‌رگه‌ریان بێهێز دبن.
