تو كیی..؟
شرین دوسكی
دا بۆ تە ڕۆندكان بڕێژم و
خەمگین بمینم
تو نە یێ ژ هەژی چ ڕوندك و خەمگینیا منی
تو .. ب تنێ كۆمەكا خوە مەزنكرنێ و
دفن بلندیێ بووی
ئەزئەزیا تە .. تو دخواری
تە خوە ددیت هەمی جیهان و
خودانێ ژیرمەندیا بێ سنوور
یا ژ تەڤە ب چوونا تە
ژیان دێ ڕاوەستیێت !
لێ .. باش بزانە
نە دویربوونا تە
ئەز شكاندم و نەژی چوونا تە
ئێشاندم
بەروڤاژی… ژ تە و بەنداتیا تە
و گرانیا رازیكرنا تە
ڕزگاربووم و
گەلەك دلخوەش و
ئارام بووم..!
