تۆرام: خەونا من دگەل ئەنتەرێ بوو راست
ستێرێ فرەنسی ماركۆس تۆرام كەیفخوەشیا خوە دیار كر ژبۆ ئیمزاكرنا گرێبەستێ دگەل یانەیا ئەنتەر میلان یا ئیتالی بۆ پێنچ وەرزان، پشتی ل سەر هەمی بەندێن یاسایی و دارایی ب شێوەكێ فەرمی دگەل یانەیا وی یا بەرێ بۆرۆسیا مۆنشێنگلادباخ یا ئەلمانی رێكەفتین.
د دیدارا خوە یا ئێكێ دا ماركۆس تۆرام بۆ كەنالێ ئەنتەر گۆت: پێخوەشحالم هاتیمە یانەیا ئەنتەر میلان كو هەر د ژیێ زارووكینیا خوە دا مە حەز ژ ڤێ یانێ هەبوو و چەندین قارەمان دناڤ یانەیێ دا هاتینە دیتن، خەونا من هەردەم ئەو بوو بهێمە خولا كالیچیویێ و یاریزانێ ئەنتەر میلانێ بم، لەوما هەردەم من ئاستێ خوە پێش دئێخست، بابێ من ژی پشتەڤان و هەفكارێ من بوو، نوكە من خوەشترین هەست یێ هەیی خەونا من ل ئەنتەرێ بوویە راست و گەشبینم دێ نومرەیا ئەفسانەیێ تەپا پێی یێ بەرازیلی رۆنالدۆ دا لیمایی ل بەرخوە كەم، سۆزێ ددەم بشێم ئێك ژ یاریزانێن كاریگەر بم بۆ تیما خوە.
