تۆرا تیلگرامی ژ هه‌موویان باشتره بۆ ئاخفتنێ
دهۆك هه‌رهین محه‌مه‌د:
ره‌یان عه‌بدوللا، شاره‌زا د وارێ به‌رناما و ئه‌نترنێتێ دا، د دیداره‌كێ دا بۆ رۆژناما ئه‌ڤرۆ گۆت: د به‌رنامێ من دا یه ئه‌پلیكه‌یشنه‌كێ ئاینی چێكه‌م دا كو ل هه‌یڤا ره‌مه‌زانێ خه‌لك مفای ژێ بینن و دیسان كاركێ دی ژی یێ مه‌زن دێ كه‌م، به‌لێ پێدڤی هاریكاریێ مه و دڤێت تیمه‌ك ل گه‌ل من بیت بۆ ئه‌نجامدانا وی كارێ مه‌زن.
دووڤدا گۆت: هه‌ر پرۆگرامه‌كێ هه‌بیت و یێ باش بیت رێكا ب كارئینانا وی د ئینستگرامی خوه‌یێ تایبه‌ت دا به‌لاڤ دكه‌م و دا كو خه‌لك مفایی ژێ بینن و د سه‌ر هندێ را ژی مفای ژوان ڤیدیۆیان دهێته دیتن یێن كو ئه‌ز به‌لاڤ دكه‌م و گه‌له‌ك جاران ژی پرسیار ژ من دهێته‌كرن كا كیژ به‌رنامه باشتره و پاراستی تره و گه‌له‌ك حه‌زژ تۆرا مه‌سنجه‌ر و تلیگرام و تیك توكی دكه‌م و دبینم تۆرا تلیگرامی ژ هه‌موویان باشتره بۆ ئاخفتنێ، و هه‌ر به‌رنامه‌كی رێكێن خوه یێن پاراستنێ هه‌نه و هه‌كه مرۆڤ پێگێری وان رێكا بیت چو جاران مرۆڤی چ كێشه نابن و كه‌س نه‌شێت هژمارا مرۆڤی ب دزیت و تۆرا فه‌یسبووكی گه‌له‌ك كێشه هه‌نه و هه‌یڤانه پتری ئێك ملیون هژماره دهێنه هاككرن و دهه‌یڤا دو دا هژمارا سه‌رۆكێ كۆمپانیا فێسبووكی ماركی هاتبوو هاككرن.
