تۆزا دیرۆکێ
سالح حەکیم
ژینفرۆشێن ڕێ بەرزەبووی
هەلگرێن ناخێن تۆزکەوی
بارانا قرێژێ ل وە دباریت
ئەو چ لێهمشتە
چیڤێ دارێ زۆریێ
دێ ب سەرێ وەداهێتە خوارێ
شکەستن و رووڕەشی بۆ وەیە
نەشێن تەڤلی وارێ
ب هزارەها داستان و
شۆڕش لێکرین
ب کەدا شەڕڤان و
ب خوینا قارەمانان
ئاڤەدان بوویە
ڤێجا چاوا میکرۆبێن
مینا وە دێ حەوینیت..
ها وە ب دەستێن خوە
کفنێ خوە کەرکر
داعوورانا عەردی ژی
دکاریت وە هەلگریت
مێڤانێن مرنا هەر ڕۆژن
ژڤێ دیرۆکا رەش
ناسناڤێ سەربڕینا مرۆڤانە
ب ناڤێ خوە یێ تۆمارکری
ژ کراسێ ئیسلامێ
راپێچی بۆ کرییە
هەر وەنینە
لێ ئەو پیرۆزییە..
خوە دخاپینن
لێ گەشاتییا ناخان
ددۆڕینن
هیڤییا ژینا مرۆڤایەتییێ
بەرەڤ ساڤاتییا مەژییێ
خوە یێ بەستی و خویسار پێڤە
دبەن
هەر ژ بلنداهییێ
بەهایێ سەرنشیڤییان
هاتە خوارێ
بەرهەمێ سالا وە
تۆڤێ ب زیانێ ڤێ شۆڤێ یە
ژڤێ خەوێ
قەت هۆشیار نەبن
چنکو دۆزەخ ل هیڤییا وەیە.
