تۆز و باران دێ ب سه‌ر دهۆكێ دا هێن
ئه‌ڤرۆ نيوز:
رێڤه‌به‌ريا گشتى يا سه‌قاناسى و بيڤه‌له‌رزێ ل هه‌رێما كوردستانێ راگه‌هاند كو سوبه‌هى رۆژا پێنجشه‌مبى رێكه‌فتى 29ى ئادارا 2018ێ دهێته پێشبينيكرن ئه‌سمان ب ته‌مامى ئه‌ور بيت و تۆز ب سه‌ر پارێزگه‌هێ دا بهێت و ل دانێ ئێڤارى ژى باران بباريت.
پشكا پێشبينيان ل رێڤه‌به‌ريا گشتى يا سه‌قاناسى و بيڤه‌له‌رزێ ل هه‌رێما كوردستانێ د نڤيساره‌كێ دا راگه‌هانديه كو ژ ئه گه‌رێ هاتنا هنده‌ك فشارێن نزم كو سه‌نته‌رێ وان باشوورێ رۆژئاڤايێ عيراقێ يه ل گه‌ل فشارێن نزمێن ده‌ريا سۆر دهێته پێشبينيكرن ب ته‌مامى ئه‌ور بيت و تۆز ب سه‌ر پارێزگه‌هێ دا بهێت و ل دانێ ئێڤارى ژى باران بباريت.
پشكا پێشبينيان خۆيا ژى كريه كو نزمترين پلا گه‌رما پێشبينيكرى دێ 13 پله بيت و بلندترين پله ژى دێ 25 پله بيت.
هه‌ر ب گۆره‌ى ڤێ راپۆرتا رێڤه‌به‌ريا ناڤبرى له‌زاتيا باى ژى دێ د ناڤبه‌را 10 بۆ 20كم بيت د ده‌مژمێره‌كێ دا و ماوێ ديتنێ ژى دێ 8 بۆ 9كم بيت د ده‌مژمێره‌كێ دا.
