تۆماركرنا سترانان ل رۆژهەلاتێ كوردستانێ بۆ ژنێ یا ب زەحمەتە
سۆلین سلێمان:
سترانبێژ (غەزەل مستەفا) كو خەلكا رۆژهەلاتێ كوردستانێ یە و ئێك ژ پشكدارێن بەرنامەیێ (كورد ئایدۆل) بوو، د دیدارەكێ دا بۆ رۆژنامەیا ئەڤرۆ گۆت: ئەز دناڤ مالباتەكا هونەری دا مەزن بوویمە، لەورا دێ یا بەردەوامبم و دلخوەشم ب كارێ خوە.
هەروەسا گۆت: دەمێ ئەز ل قۆتابخانێ من ستران بۆ هەڤالێن خوە و ماموستایان دگۆتن و ئەوان ئەز هانددام كو یا بەردەوامبم و پشتی دەلیڤە هاتی ل سالا 2014 ل باژێرێ هەلبەبچە من سرودەك ب ناڤێ (ئاشتی) تۆماركر، چنكو ل رۆژهەلاتێ كوردستانێ تۆماركرنا سترانان یان چێكرنا كلیپان یا ب زەحمەتە، ب تایبەت ژی بۆ ژنان، بۆ زانین ئەز گەلەك ب دەنگێ هونەرمەندان (سەید عەلی ئەسغەر و عەزیز شارۆخی) یا داخبارم، لەورا بەردەوام سترانێن وان دبێژم.
