تۆپـا پێی ل دەڤــەرا بـەهـدینـان
یونس حەمەد
ژمێژە ئەڤ گۆتنە یا گۆتی، ئەگەر دەرفەتەكا ڕاستەقینە بۆ كوردان چێبیت، شیانێن دەربازبوونا هەموو ئاستەنگ و كۆسپەكێ یێن هەیین، كورد ب سروشتێ خوە گەلەكێ ڤەكرینە، حەز و ڤیان د پێشكەفتنێ دا یا هەی. ئەڤە ژی وەك ئەزموونەكا دیرۆكی چ تاك ئان ژی جڤاكا كوردی بەرچاڤان دكەڤیت.
وەرزش ئالیەكێ گرنگێ ژیانێ یە. هەروەسا یا بوویە نیاسین و پێناسەیەكا پڕ بها، گەل ب گەلێن دی یێن سەر ئەڤێ زەڤیێ. لەوا دبینین ناڤوبانگێ پتریا یاریزانان و تیپ و یانەیان ناڤودەنگێ وان هەموو سنوورەكێ ناڤداریێ یێن دەرباز كرین، كورد د وارێ وەرزشێ دا، چونكو وەلاتەكێ سەربەخۆ نینە، لەوا دیرۆكا وێ یا گەلەك دێرین نینە، بەلێ وەكو ل سەری من ئاماژە پێ دای، ئەگەر دەرفەت دروست بێتە پێش ئەڤە د شیاندایە هەسپێ خوە، د ڤی واری دا ب زێدەهی ببەزینیت، دەڤەرا بەهدینان كو سەنتەر و ناڤەندا هەر چار پارچەیێن كوردستانێ یە، ژیان لێ وەك (بلێسەیەكە) ئاگرەكە یە، بۆ نیاسین و پێگەهاندنا مرۆڤێ ب رۆمەت، بەهرەدارێ كورد بۆ ناڤداریا كوردستانێ، تیپا دهۆك ئەنجام و جەماوەرێ وێ بوونە هەستەك بۆ لڤاندنا سۆزا جادەیا وەرزشێ، نەكو ب تنێ كوردستان، بەلكو ل دەڤەرێ ژی، زاخۆ د نوكەدا ناڤەكە ل گەل تۆپا پێی تێكەلی ئێك بووینە، ل رۆژهەلاتا ناڤین ئەوێن وەرزشێ بكەن، زاخۆ و جەماوەر و هاندەرێن وێ دنیاسن.كو چاوا (شێتانە) وەك دینان بەرەو یاریگەهان ڤە دچن. بۆ پشتەڤانیا تیپا خوە. ئاكرێ زێدەتر وەك پایتەختێ نەورۆزێ دهێتە ناسكرن، بەلێ تیپا تۆپێ پێگەهێ وێ یێن بووینە سیمبۆل بۆ ئەڤێ ناڤچەیا دلرەڤینا كوردستان و ناسناڤێ خۆلا كوردستانێ، ب شانازی ڤە بلندكر. جەماوەرێ وێ ب سارما و گەرماتیێ پشتەڤانن، بەلێ چەند سالەكە تۆپا پێی ل دەڤەرا بەهدینان دا، د ڕێكەكا ڕاست و درووست دا پێنگاڤان دهاڤێژیت. ژ بەر هندێ ئەڤ یارییە و جەماوەر و پشتەڤانێن ئەڤێ دەڤەرێ بۆ تەڤایا كوردستانێ بووینە جهێ سەرفەرازی و سەربلندیێ.
وەرگێران: زاراڤێ بەهدینی زاگرۆس بەرواری
