تۆڕێن جڤاکـی هـەمی سـنۆر دەرباز کـرینە
عایشا عەجیب:
پارێزەرەکی بۆ ڕۆژنامەیا ئەڤرۆ دیار کر، ل گۆرەی یاسایێ دیاردەیا بەربەلاڤبۆنا مایكا خەلكی یا درست نینە و دڤێت دەستویری هەبیت و گۆت؛ تەکنۆلۆژیا سەردەم و سوشیال میدیایێ هەمی سنور و بەربەستێن كاركرنێ دەرباز كرینە.
سەلاحەدین سەلمان سێڤو، ڕۆژنامەڤان و پاڕێزەرێ سەندیکا ڕۆژنامەنڤیسێن کوردستانێ ل زاخۆ، د دیدارەکێ دا بۆ ڕۆژنامەیا ئەڤرۆ دیار کر،
ل گۆرەی یاسایێ دیاردا بەربەلاڤبۆنا مایكا خەلكی یا دروست نینە و دڤێت دەستویری ژ جهێن پەیوەندیدار هەبیت و گۆت؛ ژبەرکو هەکە ئەڤ جورە مایكە تووشی شاشیەكێ یان كێماسیەكێ ببن چ لایەن نینن بەرەڤانیێ ژێ بكەن و دبیت ژ نەشارەزایی و بێ پلان و بەرنامەیی هندەك ئاستەنگ و ئاریشێن دیتر ژی بۆ پەیدا ببن.
پارێزەری گۆتژی؛ تەکنۆلۆژیا سەردەم و سوشیال میدیایێ هەمی سنور و بەربەستێن كاركرنێ دەرباز كرینە، باشترە ئەڤ دیاردە بهێتە سنوردار كرن و گۆت؛ هەتا نوكە چ یاسا نینن رێكێ بدەنە ڤێ چەندێ.
پارێزەری دا زانین ژی کو ل گۆڕ ماددا (٣٨) ژ یاسایا دەستورێ ئێراقێ یا سالا (٢٠٠٥)ێ ئازادی یا ڕاو دەربرینێ مافەكێ رەوایێ هەر تاكەكێ یە، لێ بمەرجەكێ بەروڤاژی داب و نەریت و كەلتورێ گشتی نەبیت و د چوارچوڤێ یاسایێ دا بیت، رێكستنا ڤێ چەندێ ژی كارێ وی لایەنییە ئەوێ دەستویردانێن میدیایی هەین.
پارێزەرێ سەندیکا ڕۆژنامەنڤیسێن زاخۆ دیار کر ژی، ئەڤجا پێدڤیە ڕۆژنامەڤان ب پیشەیی و دویر ژ هەست و سوزێن كەسوكی كارێ خۆ ئەنجام بدەت و خۆ ژ هندەك رەفتاران بپارێزت و نەبیتە لایەن د بابەتی دا و گوت؛ پێدڤیە ڕۆژنامەڤان ژ بازنا كارێ وی دەزگەهی و ئورگانی دەرنەکەڤیت یێ كو بۆ وان كاردكەت، داکو تووشی چ ئاستەنگ و ئالوزیان نەبیت،
