تیما ئەكادیمییا پیرس تاكە تیما پارێزگەهێ یە پشكداری د خولا كوردستانێ دا کری
شاهۆ فەرید:
د دیدارەكێ دا راهێنەرێ تیما ئەكادمیا پیرس كاپتن سەبری سلێمان بۆ رۆژناما ئەڤرۆ گۆت: هەمی دەما ئەم د بەرهەڤین بۆ ڤان جورە قارەمانیان، چنكو ئەكادیمیا پیرس یا بەردەوامە ل سەر راهێنانا بۆ ژیێن جودا، رۆژێن بوری مە كارەكێ باش كرییە ل سەر وان خالێن كو تێدا بشێن تیمێ باشتر لێ بكەین، هەتا رادەكێ ئاگەهداری ئەكادیمی و فێرگەهێن پشكدارین چ ئاستەكێ دا نە، لێ وەكو دیار دخشتێ قارەمانیێ دا كومەكا زور یا فێركەهان دپشكدارن لەورا پێشبینێ دكەم ئاستێ هەمی تیمێن پشكدار یێ باش بیت.
زێدەتر ناڤهاتی گۆت: وەكو ئەكادیمیا پیرس خوە بخودان دانین كو ببینە نوونەرێن پارێزكەها دهوكێ، هەرچەندە ب هیڤی بووین هەمی ئەكادیمیێن پارێزكەهێ پشكداربن لێ كا رێگر و ئاستەنك چبووینە دیارنینن، مەرەم ژ پشكداریێ بشیێن یاریزانێن خوە بەرهەڤبكەین پتر سەربۆر هەبن و دێ بزاڤێ كەین ئەنجام و ئاستەكێ باش نیشاندەین.
ل دووماهیێ سەبری گۆت: تیمێن ڤێ قارمانێ یێن هاتینە بەلاڤكرن ل سەر دو كۆما و یاریزان د ژیێن دناڤبەرا 12 تا 13 سالێ دا پشكدارن، ئەكادیمیا پیرس بتنێ یا پشكدارە د قارەمانیێ دا ئەڤە جهێ دلگرانیێ یە نەبوونا كوما دهۆكێ، دەمێ قارمانیێ ژی نە هایتە دەستنیشانكرن، مە دخواست ئەڤ قارەمانیە وەرزێ هاڤینێ هاتبا ئەنجامدان ژبەركۆ یاریزانیێن مە هەمی قوتابی نە وەختێ ئەزموونایە و وەرزێ زڤستانێ نەیێ گونجایە.
