تیما بەردەڕەش د مەترسییا پاشڤەچوونێ دایە
رەمەزان زەكەریا
د داخویانیەكێ دا سەرۆكێ یانەیا بەردەڕەش ئاشكراكر ئاستێ تیمێ یانەیا بەردەڕەش ژلایێ هونەری و تەكتیكی ڤە گەلەك یێ باشە، د قۆناغا ئێكێ دا سەرێ لیستێ بوو، د قۆناغا دویێ دا ژی ئاستێ وێ گەلەكێ باشە ئەگەر پشتەڤانیا یانەیێ بهێتە كرن.
زێدەتر سەمیر عەبدولقادر بۆ رۆژنامەیا ئەڤرۆ گۆت: د قۆناغا دویێ دا تیما مە پێنج یاری بەنجامێن باش بدەستڤەئیناینە، لێ نوكە مەترسی ل سەر تیمێ هەیە ژبەر خرابیا رەوشا ئابووری ژ ئەنجامێ هەشت یاریا پێنج یاری ل دەرڤەی یاریگەها خوە دێ ئەنجام دەین و سێ یاریا د ناڤ ئەردو جەماوەرێ خوە دابیت، ئەڤە ژی نەدادیە د بڕیارێن فیدراسیۆنا فوتبۆلا كوردستانێ دا هەبوو .
ناڤبری گۆتژی: رەوشا ئابووریا یانەیێ گەلەك یا خرابە ئەگەر هاریكاری نەهێتە كرن بۆ یانەیێ ب تنێ دێ پشكدار بین و زێدەتر نە چاڤەرێ ئەنجامێن باش ناكەین بڤێ رەوشێ، لێ ئەگەر پشتەڤانی بهێتە كرن دێ رەوش باشتر بیت، سەرەرای هەموو ئاستەنگا ئاستێ تێمێ گەلەك یێ باشە لێ پێدڤی ب پشتەڤانیەكا بلەز هەیە بۆ باشتربوونا ئەنجام و پێشڤەچوونا یانەیێ.