تیما خۆلێکدانێ یا زاخۆ ب نڤشەکێ ئەکادیمی ئەنجامەکێ دلخوەشکەر ئینا
عەلی حاجی:
د داخویانیەکێ دا سەرپەرشتێ تیما خوەلێکدانا زاخۆ بۆ رۆژنامەیا ئەڤرۆ دیار کر ب ڕێیا پشکداریان د قارەمانیان دا ئاستێ یاریزانێن وان بلند دبیت وب نڤشەکێ ئەکادیمی ئەنجامێن دلخوەشکەر ب دەستڤە ئینایە.
زێدەتر رەمەزان حەسەن گۆت: پشکداریا مە د قارەمانیا ئیراقێ بۆ یاریا خوەلێکدانا ئازاد ل سەر ئاستێ لاوان ژهەژی دبینن ئەوا ب پشتەڤانییا دەستەیا کارگێریا یانەیا زاخۆ بوو کو باشترین شێوە پشتەڤانییا مە دکەت، بێگومان هەتا ڕادەیەکێ باش هەڤرکی د قارەمانیا ئیراقێ دا یا ب هێز بوو ژبەرکو تیمێن ئیراقێ ب تایبەتی یێن بەغدا ژ ئەگەرێ زوریا یاریزانان د یانەیێن وان دا یانەیەک مفایی ژ شیانێن وان یایزانان دبینیت و د قارەمانیان دا ل خوە کوم دکەت، لێ د ڤێ قارەمانیێ دا یاریزانێن مە شیان ئاستەکێ باش پێشکێش بکەن و هەر ئێک ژ یاریزانێن مە غەریب سەعدون و دلوڤان سلێمان و عەبدولکەریم نزار و ئەیمەن عوبەید شیان رێزێن سیێ ب دەست خوەڤەبینن و ئەڤ چەندە هاریکار بوو بشێن رێزا سیێ بۆ یانەیا زاخۆ مسوگەر بکەین.
ل دوماهیێ گۆت ژی: یاریزا خوەلێکدانا ئازاد ل زاخۆ دێ هەر ب ساخی مینیت و نڤشەکێ ئەکادیمی و ئەم ناهێلین ئەڤ یارییە ژناڤ بچیت و پشتەڤانیەکا باش ژی ل مە دهێتە کرن.
