تیما پیرس دێ نوونەراتییا یانەیا دهۆكێ د خولا ئیراقێ دا كەت
شاهۆ فەرید:
ب فەرمی تیما فوتبۆلا یانەیا پیرس دێ نوونەرتاییا یانەیا دهۆك بۆ وەرزێ نوو یا خولا ئیراقێ ل سەر ئاستێ دویێ( ردیف ) دا كەت كو دبیتە جارا ئێكێ د دیرۆكا یانەیا دهۆكێ دا ئەڤ پێنگاڤە دهێتە هاڤێژتن.
د داخویانیەكێ دا راهێنەرێ تیمێ وەلات عومەر بۆ رۆژنامەیا ئەڤرۆ دیاركر: بۆ وەرزێ نوو بەرهەڤیێن باش هاتینە كرن، هەرچەندە كێشەك پەیدابوویە كو ل دووڤ ڕێنمایێن فدراسیۆنا ئیراقێ ئەو یاریزانێن مە بۆ پێكهاتیێ دهۆكێ تۆماركرین دگەل ڕێنمایان نا گۆنجن، 11 یاریزانێن مە ژدایكبوویێن 2006ێ نە لێ پێنگاڤێن چارەسەریێ هاتینە كرن، ئەم پێخوەشحالین یاریزانێن مە ب ناڤێ یانەیا دهۆكێ پشكداریێ بكەن و بەرپرسیارەتیەكا مەزنە لێ گەشبینن ب كوڕێن باژێرێ خوە.
هەروەسان ناڤهاتی گۆتژی: ژبەر ڤەقەتیانا درێژا یا یانەیا پیرس ژ خولێن هەرێمی و ئیراقێ دێ بناڤێ یانەیا دهۆك پشكداربین، بزاڤێ كەین ئەڤی وەرزی پشكداری ڤاڤارتنێن خولا پلەیا دویا كوردستانێ بكەین چونكۆ هەتا نوكە مە تیما هێلا ئێكێ نینە و مەدڤێتن یاریزانێن خوە بخوە دروستبكەین، سوپاسیا كارگێریا یانەیا دهۆك دكەین باوەری دایەمە وەكۆ ستافێ راهێنەران و تیمێ پشكداریی خولێ بكەین.
وەلات عومەر گۆت: پرۆتۆكولا دناڤبەرا یانەیێن دهۆك وپیرس گەلەك كارەكێ باش قەلەم دەم و كەسێ هەژی بۆ جهێن هەژینە و سەرۆكێ یانەیا دهۆك د. عەبدولا جەلال ژ كارێ مە یێ رازیبوو لەوما ژ هەموو یانەیا ئەم هەلبژارتین، بەرهەمئینانا یاریزانێن باش ژ ئەكادیمیا یانەیا پیرس چاڤدانەكا باشا كرین و ئەڤ پرۆتۆكولە ئەنجامداین، یانەیا پیرس شێوەكێ باش یاریزانان پەروەردەركرینە، نە پشكداریا وان یاریزانان دێ كارتێكرن هەبیت.
