تیمەكا وێنەگرێن باش بوویە هۆكارێ سەركەفتنا من
بێوار حەمدی:
وێنەگر(دەشتی شوان) كو ئەڤە حەفت سالن كارێ وێنەگریێ دكەت، د دیدارەكێ دا بۆ رۆژنامەیا ئەڤرۆ گۆت: دژیەكێ بچووكدا من حەزژ كارێ وێنەگریێ دكر و نوكە ل كەنالێ ئاڤا كاردكەم و خۆشحالم كو حەزەكا من بجه هاتی، لەورا دێ بزاڤێ كەم رۆژ بۆ رۆژێ پتر داهێنانێ د كارێ خوە داكەم و پێزانیێن نوو ل دۆر ئەتەكێتێن وێنەگرتنێ بكارئینم.
هەروەسا گۆت: كاركرن ل گەل تیمەكێ وێنەگرێن باش بوویە هۆكارەك كو رۆژ بۆ رۆژێ پتر یێ سەركەفتی بم و ب دیتنا من هەر كەسەكێ حەزا وێنەگریێ هەبیت بلا بەری هەر تشتەكی پشكداریێ دخۆلەكا فێركرنێ دا بكەت، ژبۆ هندی دەمێ دهێتە دناڤ كاری دا هندەك پێزانین هەبن، هەروەسا دەمێ دهێت خوە زەحمەت بدەت و بەردەوام ل دووف تشتێ نوو دبۆارێ وێنەگریێ دا بگەڕیت و بلا یێ پشت راست بیت زەحمەتا وی ب هەروە ناچیت.