تیپا داسنیا مالا هه‌موو سترانبێژێن فولكلۆری بوو
دهۆك، هه‌رهین محه‌مه‌د:
كامیران هرۆری، پرۆدیوسه‌رێ به‌رنامێ ره‌سه‌ن ل كه‌نالێ وار، د دیداره‌كێ دا بۆ رۆژناما ئه‌ڤرۆ دیاركر كو كارێ وی ڤه جه‌ماندنا كلتۆر و ره‌وشت و تیتالێن كوردانه و ل مال ژی مژوولی به‌هه‌رڤكرنا چه‌ند پرتووكانه كو گرێدایی كلتۆر و زمان و چاندا كوردی نه.
زێده‌تر گۆت: گوهدارێن سترانێن فولكلۆری به‌رب زێده بووونێ یه و گه‌له‌ك جاران ئامار دهێنه‌كرن ل سه‌ر به‌رنامان و دیاردبیت بینه‌رێن به‌رنامێن ره‌سه‌ن ژ هه‌موویان پتره كو به‌ری نوكه ژی بناڤێ (جڤات بوو) و هه‌تا راده‌كێ باش بینه‌رو گوهدارێن خوه هه‌بوو، له‌ورا ل ڤێ دووماهیێ َگه‌له‌ك گه‌نج خوه دهاڤێنه دمه‌یدانا سترانێن كوچكو دیوانان و یا فولكلۆری، به‌لێ هه‌ر ده‌ڤه‌ره‌كێ رتما خوه یا تایبه‌ت هه‌یه، و گه‌له‌ك جاران گه‌نجێن مه د په‌یڤان ناگه‌هن و ب شاشی وه‌ردگرن و گه‌له‌ك یا گرنگه په‌یڤ ب دروستی بهێنه گۆتن و بهایێ رتما سترانێ بده‌نێ.
ل دووماهیێ گۆت: بۆ ده‌مێ چه‌ند سالان ئه‌ز به‌رپرسێ تیپا داسنیا بووم و نه‌مانا تیپێ كارتێكرنه‌كا مه‌زن ل ده‌نگبێژێن سترانا فولكلۆری كریه، چونكو وێرێ وه‌كو مالا وان بوو هه‌رسترانبێژه‌كێ ژ ده‌ڤه‌ره‌كێ هاتبا دا قه‌ستا وێرێ كه‌ت، ژبه‌ر كو هه‌موو ده‌نگ بێژ ل وێرێ كومڤه دبوون و هه‌موو یان ئێك و دو دیت، له‌ورا داخازێ ژ وه‌زاره‌تا ره‌وشه‌نبیری و رێڤه‌به‌ریا گشتی یا ره‌و شه‌نبیری و هونه‌ری دكه‌ین كو جاره‌كا دی ده‌رگه‌هێ ڤێ تیپێ بهێته ڤه‌كرن.
