تیڤلێ شتی بۆ گولچیسکا و فشارا خوینێ باشە

ئه‌ڤرۆ نيوز:

ل دووڤ ئەنجامێن ڤەکولینەکا چینی وەسان دیاردبیت کو تیڤلێ شتی کاریگەریەکا باش یا ھەی بۆ چارەسەرکرنا کومەکا نەخوشیان ئەوژی (بلندبوونا فشارا خوینێ یا دومدرێژ، ھەودانا گولچیسکان، نەھاتنا میزێ، قەبزبوونا دومدرێژ) ل دووڤ وێ ڤەکولینا ل پەیمانگەھا نوشداریا ڤەژاندنێ ھاتیە کرن و ل گوڤارا ڤەکولینێن پزیشکیا چینی بەلاڤ بووی دیاردبیت ژی کو ئەنجامێ ڤێ ڤەکولینێ ھاتە راگەھاندن پشتی چەند سەربوران بۆ دەمێ سێ سالان ل سەر نەە ملیون نەخوشان ل سیە و ئێک کەرتێن چینێ ھاتینە کرن.
ڤەکولین شیرەتان ل نەخوشێن فشارا خوینێ دکەت کو تیڤلێ شتی ھشک بکەن و پاشی ب قوتن و رۆژانە 20 گرامان بکەنە دناڤ ئاڤێ دا و بکەلینن و ڤەخون، باشترە ئەڤ چەندە بۆ دەمێ ھەیڤەکێ ل دووڤ ئێک بھێتە کرن.
دەربارەی نەخوشێن ھەودانا گولچیسکان ھەبیت، ڤەکولین دبێژیت: باشترە ئەو تیڤلێن شتی بکەنە پارچەیێن بچووک و بکەنە دناڤ ئاڤێ دا و لسەر ئاگرەکێ ھێدی بدانن و ب وەرگێرن ھەتا وەکو ھەڤیری لێ دھێت و پاشی بکەنە دناڤ ئامانەکێ شووشەی دا و بۆ دەمێ سێ حەفتیان ھەر رۆژ جارەکێ بەری تێشتێ کاچکەکی ژێ ڤەخوت.
دەربارەی ئەو نەخوشێن دەستئاڤا وان نەھێت یان د قەبزبن یا باش ئەوە ئەوژی تیڤلێ شتی بکەنە پارچێن بچووک و ھندەک پرتێن سپیلکا ھێکێ بکەنە دناڤدا و ل سەر ئاگرەکێ ھێدیانە بۆ دەمێ پێنج دەقیقان بھێلن و پاشی بھێلە بلا سار ببیت و بۆ دەمێ رۆژان ھەر رۆژێ کاچکەکی ژێ ڤەخوو.

کۆمێنتا تە