تێبینى ل سه‌ر چاكسازیێن زاخۆ و دهۆك هه‌نه
ئه‌ڤرۆ نیۆز ، سالار دۆسكى:
سه‌رۆكێ لژنا ساخله‌میێ ل جڤاتا پارێزگه‌ها دهۆكێ تێبینى ل سه‌ر هه‌ر دو چاكسازیێن مه‌زن ل زاخۆ و زركا ل دهۆكێ هه‌نه، ژڤانه راپورته‌ك ل سه‌ر هه‌دو چاكسازیان بۆ سه‌رۆكاتیا ئه‌نجوومه‌نى بهێته بلندكرن.
هشیار فه‌ریق گولى سه‌رۆكێ لژنا ساخله‌میێ ل جڤاتا پارێزگه‌ها دهۆكێ بۆ مالپه‌رێ ئه‌ڤرۆ نیۆز ئاشكراكر كو وه‌ك لژنا ناڤبرى سه‌ره‌دانا هه‌ردو چاكسازیێن زركا و زاخۆ كرینه و تێبینى ل سه‌ر هه‌نه و گۆت: چاكسازیا زركا ل دووڤ ستاندارێن جیهانى هاتیه‌دروستكرن و بتنێ ڤه‌كوله‌رێن جڤاكى دكێمن و پێدڤى یه بهێنه زێده‌كرن و دیسان چاكسازیان زاخۆ هه‌ر ڤه‌كوله‌ر نین و پێدڤى یه بۆ بهێنه دابینكرن، هه‌كه نه جهێ مه‌ترسیێ یه.
سه‌رۆكێ لژنا ساخله‌میێ هێشتا گۆت: ئه‌ڤرۆ دێ راپورتێ ل سه‌ر هه‌دو چاكسازیان بۆ سه‌رۆكاتیا جڤاتیێ بلندكه‌ین و دێ داخاز كه‌ین كو ڤه‌كوله‌ر ل دهۆكێ بهێنه زێده‌كرن و ل زاخۆ ژى بهێنه دابینكرن.
