تەحینا دھۆک بۆ ئەلمانیا دچیت
ئەڤرۆ نیوز:
سەعید حجی خدر،خودانێ کارگەھا ئەخوین یا تەحینێ ل کومەلگەھا مەھەت سەر ب قەزا شێخان ڤە بۆ رۆژناما ئەڤرۆ دیارکر بەریا نھا و نێزیکی دوو سالایە دەمێ دەڤەرا باشیک کەفتیە ل بن دەستھەلاتا داعش ئەم نەگەھشتین کارگەھێن خو قورتال کەین بتنێ ئەم شیان گیانێ خو ب سلامەت دەربازی کوردستانێ بکەین سەروشنی مە دەست ب دانانا کارگەھا تەحینێ کر بکوژمێ پتر ژ ئێک ملیارێ کەل و پەلێن کارگەھێ کەفتنە دەستێن داعش لدوڤ زانیاریێن گەھشتینەمە کو ھەموو ژوا ن بو سوریا ڤەگوھاستینە.
ناڤبری دیارکر دوبارە دەست ب دروست کرنا کارگەھەکانکر ل کومەلگەھا مەھەت نێزیک ئێک ملیار دینار لێ ھاتن مەزاختن ھەتا شیائین وەکو کارگەھەکا سەردەم لێ دروست کەین روژانە سێ تەنێن کونجیێن خومالی بەرھەم دئینین بۆ تەحینێ 800 کیلۆیێن تەحینێ لێ دروست دبن .
ناڤبری گۆت کو پشتی ئەڤ قەیرانا سەر ب ھەرێما کوردستانێ دا ھاتی بھایێ کرینا کونجیا ئەرزان بویە ب شێوەیەکێ بەرچاڤ بەری نھا کونجیا عێراقی تەن ب سێ ملیۆن دیناران بوو، نھا ئێک ملیۆن ل سەر تەنێ ھاتیە خار دوو ملیۆنان دکرین لدوڤ وی بھایی مەژی کیلویا تەحینێ ئەرزان کریە.
ناڤبری زێدەتر گۆت کو دڤان رۆژێن بوری دا داخازی ژ وەلاتێ ئەلمانیا بۆ مە ھاتیە ب رێیا بازرگانێن کورد یێن وی وەلاتی دژین داخاز کریە کو تەحینا شێخان بۆ ئەلمانیا ڤەگوھێزین د ئێک شەحن دا 20 تەنێن تەحینێ گەھشتینە ئەلمانیا ب رێیا ترومبێلەکا مەزن د نێزیک دا بارێ دووێ دگەھیتە ئەلمانیا لدوڤ گۆتنێن وی بازرگانێ کورد کو دەمێ بارێ ئێکی کەفتیە بازارێ ئەلمانیا خەلکێ بیانی ژی بەشداری دکرینا تەحینا کوردستانێ کر .
ناڤبری لدور فرۆشتنا تەحینا شێخان ل کوردستانێ گۆت کو ئەڤ تەحینا شێخان بو ھەموو باژێرێن کوردستانێ دچیت زێدەباری پارێزگەھێن عێراقێ .
تاھا جرجیس ، بەرپرسێ چاڤدێری و بازرگانیێ ل شێخان بۆ رۆژناما ئەڤرۆ دیار کر کو بەری چەکدارێن تیرورستێن داعش بھێن مووسل کۆنترول کەن ج کارگەھێن تەحینێ ل قەزا شێخان نەبون پشتی کەسانێن خودان کارگەھێن تەحینێ ئاوارەبوینە ھەرێما کوردستانێ ل شێخان شەش کارگەھێن مەزن یێن تەحینێ ھاتن دانان لدوڤ رێنمایێن حوکمەتا ھەرێما کوردستانێ ھاتینە دانان ، د نھا دا شێخان بوویە مەزنترین ژێدەرێ تەحینا ھەرێما کوردستانێ چونکو مە رێک دایە وان کو تەحینا وان ب رێکێن یاسایی بو ھەموو جھان بھێن ڤەگۆھاستن.
