تەحینا سەختە ب ناڤێ مە دهێتە چێكرن
سندس سالح سلێڤانەیی:
خودانێ ئاشێ پرا عیسێ، كو ئێك ژ پشكدارێن فێستیڤالا تەحینێ و بەرهەمێن خۆمالی بوو، ئەوا ل حەفتیا بۆری ل قەزا ئامێدیێ هاتیە ڤەكرن، د دیدارەكێ دا بۆ رۆژنامەیا ئەڤرۆ گۆت: ئەڤە ژمێژەیە وەكو بنەمال ئەڤە ئاشێ مەیە و خەلكەك تەحینا مە باش دنیاسیت و نەبەس ل كوردستانێ و ئیراقێ، بەلكو ل ئورۆپا ژی خەلكەك داخوازدكەن و هەر كەسەكێ ژدەرڤە وەلاتی دهێت سەرەدانا جهێ مە دكەن و تەحینێ ژمە دكڕن و ل گەل خۆ دبەن، لێ مخابن هندەك حالەت هەبووینە تەحینا سەختە ئیناینە و ناڤ و لۆگۆیێ مە لێداینە و فرۆتینە خەلكەكی،
سەبارەت وێ فێستەڤالێ ژی (رەیان سلێمان) گۆت: ئەڤ فێستیڤالە بۆ دەڤەرا مە گەلەكا گرنگە، چنكو ئامێدیێ یا ناڤدارە ب بەرهەمێن خۆمالی.
