تەرمێ ئافرەتەکێ سەر رێکا بەردەرەش دھێتە دیتن

ئه‌ڤرۆ نيوز:

رێڤەبەرا نەخۆشخانا بەردەرەش بۆ رۆژناما ئەڤرۆ دیار کر کو پۆلیسان ئێڤاریا (20 ل سەر 21ى كانوونا دويێ 2016) تەرمێ ژنەکێ ل سنوورێ قەزا بەردەرەش ب کوشتی گەھاندیە نەخۆشخانێ و ئێکسەر بۆ نوژداریا داد ل دھۆکێ ھاتە رەوانەکرن.
نارین سلێمان، رێڤەبەرا نەخۆشخانا بەردەرەش دیار کر تەرمێ وێ ژنێ ل سەر رێیا چرە- بەردەرش ل نێزیکی گوندێ دولێجان ھاتیە دیتن و تەمەنێ وێ د ناڤبەرا 35 بۆ 40 سالیێ دایە و گۆت “ب شێوەیەکێ ھوڤانە ھاتیە کوشتن، چونکی ئەو ژن ھاتیە جھێ لێدانا بەران و چەقویان ب لەشێ وێ ڤە دیار بوون”.
رێڤەبەرا نەخۆشخانا بەردەرەش خویا ژی کر کو دەڤ و چاڤێن وێ ژی ھاتبوونە دربدان و نیشانێن بەران لێ ھەبوون، ژبەر ھندێ ژی نیشانێن نیاسینێ لێ نەبوون و گۆت “ل نوژداریا داد دێ ھێتە پشکنین، دا کو ئەگەرێن مرنا وێ دیار بن و نیشانێن نیاسینێ بۆ دیار بن، چونکی چ ناسنامە و پاشمایێن نیاسینێ ل دەف نەبوون”.

کۆمێنتا تە