جاددێن ھەردو کەمپێن دومیز دێ ھێنە قێرکرن
ئه‌ڤرۆ نيوز، نيوار محه‌مه‌د سه‌ليم:
سەرۆکێ فەرمانگەھا فەیدیێ راگەھاند، ب کۆژمێ 619 ھزار دۆلاران، جادەیێن ھەردوو کەمپێن دومیز ئێک و دوو دێ ھێنە قێرکری و ب کۆمەلگەھا دومیز ڤە ھێنە گرێدان.
ئەندازیار ئسماعیل سلێمان عەبدولکەریم، سەرۆکێ فەرمانگەھا فەیدیێ دیار کر، ب ھارریکاری و پشتەڤانیا رێکخراوا یابانی (PWJ) و رێکخراوا (UNHCR)، بەرھەڤی دھێنە کرن بۆ ئەنجامدانا پرۆژەیێ ڤەکرن و قێرکرن و ئاڤرێژ و دانانا کلبستونێ جادەیێن دناڤبەرا ھەردوو کەمپێن دومیز ئێک و دوو و ب درێژاھیا دو کیلۆمەتر و 340 مەتران و د ماوێ شەش ھەیڤان دا پرۆژە دێ ب دووماھیک ھێت.
ئاشکرا ژی کر کو پرۆژە نھا د قۆناغا تەندەری دایە و د ڤان رۆژان دا دێ ب شێوەیێ ئۆنلاین ھێتە راگەھاندن و کۆژمێ 619 ھزار دۆلاران بۆ ئەنجامدانا ڤی پرۆژەی ھاتینە تەرخانکرن.
