جاددەیا باتیفا بۆ گوندێ دوكەرێ ب درێژاهیا 10 كیلۆمەتران دهێتە قێركرن
زاخۆ، دلۆڤان هالۆ:
ئدریس عەبدولڕەحمان، ئەندامێ لژنا پڕۆژەیی بۆ ڕۆژناما ئەڤرۆ دیار كر كو ل ژێر چاڤدێریا ڕێڤەبەرییا سەخبێریا ڕێك و پڕان ل ئیدارا سەربخۆ یا زاخۆ، ب درێژاهیا دەهـ كیلۆمەتران ژ جاددەیا دەستپێكا دەڤەرداریا باتیفا هەتا پرا دووكەرێ دهێتە قێركرن.
ئەندامێ لژنا پڕۆژەیی ئاماژە ب وێ چەندێ ژی كر كو پێشتر چەندین جهێن ڤێ جاددەیێ ژ كاركەفتبوون و هاتنوچوون لێ ب زەحمەت و نەخوەش بوو، لێ د نوكە دا ب باشترین شێوە دهێتە دروستكرن و قێركرن و گۆت: «بڕیارە د دەمێ دو حەفتیان دا جاددە ب دوماهی بهێت و بكەڤیتە د خزمەتا وەلاتیان دا».
