جارا ئێکێ یە ژنەکا کورد پۆستەکێ گرنگ وەردگریت
ئەڤرۆ نیوز، هۆشەنگ تاجر:
خالد محەمەد زادە رۆژنامەڤانێ کورد یێ رۆژهەلاتێ کوردستانێ بۆ ئەڤرۆ نیوز دیار کر بۆ جارا ئێکێ ل ئیرانێ ژنەکا کورد دبیتە قائیمقاما باژێرکێ زێویەی سەر ب باژێرێ سەقز یێ رۆژهەلاتێ کوردستانێ و گۆت: (ئێک ژ داخوازیێن کوردێن رۆژهەلات ژ حوکمەتێ ئەڤە بوویە پۆستێن ئیداری یێن رۆژهەلاتێ کوردستانێ رادەستی کوردان بکەن و ژ بەر هندێ ژی ئەڤە دبیتە جارا ئێکێ کو ژنەکا کورد ڤی پۆستی وەربگریت).
ناڤهاتی راگەهاند ژی کو خەلکێ رۆژهەلات دەستخوەشیێ ل ڤێ پێنگاڤێ دکەن و هێڤیدارن حوکمەت رێزێ ل داخوازیێن وان بگریت.
