جارەكا دی فەرماندە مەنسۆر بارزانی دلێ خەلكێ پارێزگەها دهۆكێ خۆشكر
زیاد میرزا
ب هەلكەفتا ژ دایكبوونا سەرۆك مسعود بارزانی و 79 سالیا دامەزراندنا پارتی دیموكراتی كوردستان ل سنوورێ پارێزگەها دهۆك شەهیانەكا ب كۆم ب پشتەڤانیا سەرۆك بارزانی و سەرپەرشتیا راستەوخۆ یا جەنابێ فەرماندە مەنسۆر بارزانی بۆ (551) كچ و كۆڕێن هەمی سنوورێ پارێزگەها دهۆك هاتە ئەنجامدان، یا گرنك و جهێ دل خۆشیێ یە كچ و كۆڕێن شەهیدان ناڤێن وان بێ تیرۆپشك هاتنە وەرگرتن و یا ژ ڤێ دلخۆشتر ئەو گەنجێن شەهیانا وان هاتیە ئەنجامدان، 10ملیۆن دینار وەك دیاری بۆ هاتینە پێشكێشكرن و هەمی تێچوویێ رۆژا ئاهەنگا وان بۆ هاتبوو دابینكرن، هەژی گۆتنێ یە مرۆڤ بەحسێ وێ دادپەروەریا د ڤێ پرۆسێ دا هاتیە ئەنجامدان، ئەوژی مەرج نەبوو ئەو كچ و كۆڕێن شەهیانا وان هاتیەكرن چ لایەن یان چ نەتەوەنە یان چ ئایینە، بتنێ ئەڤە ژ رێبازا بارزانی دئێتە چاڤەرێكرن وەك مزگینیەك بۆ گەنجێن پارێزگەها دهۆك و سەرۆك بارزانی سۆز یا دای هندی ئەز د ژیانێ دا بم، ب ئانەهیا خۆدێ تەمنێ سەرۆك بارزانی بۆ تەڤایا گەلێ كورد درێژ كەت. دێ ئەڤ پرۆسا هەڤژینیا ب كۆم یا بەردەوام بیت و ئەگەر ئەز نەمام. من وەسیات یا ل كۆڕێن خۆ كری، هەر یا بەردەوام بیت. دیسا ئەڤە سالا دویێ یە ئەڤ پرۆسە دئێتە ئەنجامدان،
هەژی گۆتنێ یە ئەڤە جارا گەلەكێ یە پشتەڤانیا جەنابێ سەرۆك بارزانی، فەرماند مەنسۆر ئەوا كو د شیان دا بیت بۆ خەلكێ پارێزگەها دهۆك ئەنجامدایە، وەكی شەڕێ تیرۆرستێن داعش، مەترسی كەتە سەر پارێزگەها دهۆك ل سالا 2014 دیسا شەڕێ حشدا شەعبی بۆ نەمانا كیانێ سیاسی یێ هەرێما كوردستانێ، دیسا لەهیێن سالا 2023 ژمارەكا شقەیێن ئاكنجیبوونێ بۆ زیانڤێكەفتیێن بێ مال و حال مایین، دیسا هاركاریێن مادی و ب هزاران سەلەیێن ئازۆقەی د بەرنامەیێن مەهێن ڕەمەزانا پیرۆز دا، دیسا دابینكرنا ژمارەكا زۆر یا كورسیكێن ئەلكترۆنی بۆ خودان پێدڤیێن تایبەت، هەژی گۆتنێ یە ئەڤە ژی بی جێوازی بوویە و ب دادپەڕوەرانە هاتینە دابەشكرن. دوماهیێ دو بابەتێن گرنك فەرە مرۆڤ بۆ وژدان بۆ مێژوویێ بێژیت. ئێك تانوكە فەرماندە مەنسۆر بارزانی ب ئێك پەیڤ ژی بەحسی ڤێ كارێ هەژی و مەزن نەكریە، بتنێ دبێژیت ئەز خزمەتا خەلكێ خۆ دكەم. دوـ تا نوكە ئێك لایەنێن سیاسێ ب ئێك پەیڤ ژی بەحسی ڤێ خزمەتا مەزن نەكریە. ئەڤە دەمەكی دایە ب هزاران پرۆژەیێن خزمەتگوزاری ل سەردەمێ كابینەیا 9 دا بۆ هەرێما كوردستانێ هاتینە ئەنجامدان، بەلێ وان وژدان نینە بێژن ئەڤ پرۆژە هەژینە بۆ هەرێما كوردستانێ، بەلێ ئەگەر ئێك كێماسی هەببیت یان تەسەیەك هەبیت. دێ چەندین راپۆرتان ل سەر چێكەن. مخابن بلا بكەڤنە دادگەها وژدانا خەلكێ مە.
