جارەکا دی رونالدو پێشکەفت
ئه‌ڤرۆ نيوز:
سەرەرای وێ چەندێ کو خولێن ئوروپی ھاتینە راوەستاندن ب ئەگەرا کرنا یاریێن نێڤدەولەتی، لێ ھەڤرکی ل ناڤبەرا ھەردو یاریکەران یێ ئەرەنتینی لیونێل میسی ستێرا بەرشەلونە و کریستیانو رونالدو یێ پرتوگالی و ستێرا ریال مەدرید یا بەردەوامە ھەر چەندە ڤان ھەردو یاریکەران د دو یاریێن دەستپێکرنا خولێ دا ژ تومارکرنا گولان د دوورن.
روژناما ئاس یا ئسپانی بەراوەردیک ل ناڤبەرا ڤان ھەردو ستێران دا کریە و وەسا ئاشکەرا بویە کو رونالدو یێ پێشکەفتیە ژ ھەڤرکێ خوە میسی د لێدانێن پەنەلتیان دا کو رونالدوی ژ ٦٤ لێدانا حەفت ژ دەست داینە ب رێژا ١١ ژ سەدێ و میسی ژ ٦٣ لێدانا چاردە ژ دەست داینە ب رێژا ٢٢ ژ سەدێ و دووماھی پەنەلتیی میسی ل یاریا ل ھەمبەر یانا ئەتلەتیکو بلباو ژ دەست دابوو ھەر چەندە د ڤێ یاریێ دا ب سەرکەفتن بوون ب گولەکێ بێ بەرامبەر د یاریا گەرا ئێکێ و دەستپێکا خولێ دا و میسی یێ ب ئومێدە گولا خوە یا ئێکێ ل روا شەمبیا بھێت ل ھەمبەر ئەتلەتیکو بلباو و ب ھەمان شێوە رونالدو گولا خوە یا ئێکێ د یاریا ھەمبەر ئسانیول دا تومار بکەت.
