جاسم حاجی: دێ بۆ مانا خوه د خولێ دا پشكداری بین
ئه‌ڤرۆ، شاهۆ فه‌رید:
د داخویانیه‌كێدا جاسم محه‌مه‌د حاجی سكرتێری یانا دهۆك یا وه‌رزشی و سه‌رپه‌رشتێ تیما ته‌پا پێی بۆ رۆژناما ئه‌ڤرۆ دیاركر هێشتا تیما وان به‌رهه‌ڤی نه‌كریه لێ د رۆژێن داهاتی دێ تیما خوه لێگده‌ن و ده‌ست ب راهێنانا هێته‌كرن و كادرێ راهێنانێ یێ وه‌رزێ بوری دێ به‌رده‌وامبن و هه‌كه شیانێن كۆمڤه‌كرنا تیمێ نه‌بن د ده‌مێ كورت دا دێ گوهۆڕین په‌یدابن.
زێده‌تر ناڤهاتی گۆت: دێ بۆ ماوێ حه‌فتیه‌كێ یان ده‌ه رۆژا به‌رێ خوه دینه كێماسیێن تیما خوه هه‌كه پێدڤی بۆ پركرنا رێزێن تیمێ و لاوازی هه‌بن دێ یاریزانێن پێشه‌كار ئینین و گه‌شبینین دێ تیمه‌كا خودان هێز و شیان ژ كه‌نج و لاوێن ناڤخوه‌یی پێكئینن.
جاسم حاجی گۆت ژی: پشكداریا مه د خۆلا هه‌رێمێ دا تنێ مانا خوه پارێزین وپاشڤه نه‌چینه پله ئێك، گڤاشتن و بارگرانی گه‌له‌ك بۆ سه‌ر مللێَن كارگێریا یانێ و مژوویلی ده‌ربازبوونا تیما خوه بووین بۆ خۆلا پله نایابا ئێراقی، ئاسته‌نگێن دارایی هێشتا سه‌ر تیمێ هه‌نه لێ ژ ده‌سپێكی باشتر لێ هاتینه، پارێزگارێ دهوكێ و سه‌روك وه‌زیرێ هه‌رێما كوردستانێ سۆزدایه هاریكاریا یانا دهۆكێ بكه‌ن، دێ هه‌موو بزاڤا كه‌ین تیمێن باش مه هه‌بن و نڤشه‌كێ نوو یێً یاریزانێن خۆمالی راكه‌ینه‌ڤه.
