جاش میدیا
مێدیا خۆدیكا مللهتانه و ئێك ژ فاكتهرێن ههره گرنگه بۆ دروستكرنا رایا گشتى و كارتێكرنێ ل ژیان و بزاڤا گهلان دكهت و ب كهتوارێ سیاسى و دیرۆكى و شوونوارێن مللهتان ژى كارتێكرن لێ دهێته كرن، مێدیا ژێدهرهكێ گرنگ و سهرهكى یه ژ ژێدهرێن راگههاندنا ههڤچهرخ، سهرهراى ههبوونا گهلهك شێوازێن راگههاندنێ وهك (بینین و بهیستن)، رۆژنامهڤانیا نڤیسكى ههیه كو ئهم نهشێین خوه ژێ دوور بكهین، ژبهركو ئهو ژى رۆلهكێ كاریگهر د كریارا رهوشهنبیركرن و هشیاركرن و رۆهنكرنێ ل نك تهڤایا مللهت و نهتهوه و رهگهزان دبینیت، كارێن میدیایێ ب شێوهیهكێ گشتى پێكهاتینه ژ رهوشهنبیركرن و هشیاركرن و دیاركرنا كهلتۆرى و پاراستنا وى و ئینانا كهلتورێن وهلاتێن دى بۆ ناڤ جڤاكى و بهرچاڤكرنا كهتوارێ جڤاكى و سیاسى و ئابوورى و رهوشهنبیرى، بهرچاڤكرنا كێم و كاسیان و دووڤچوونا وان و دانانا رێیێن چارهسهریێ یێن گونجاى، ژپێخهمهت پهیدابوونا كریارهكا رهوشهنبیرى و گههاندن ب شارستانیهتێ، داكو جڤاكى بگههینیته ئاستێ وهلاتێن سهربهست و پێشكهفتى ل جیهانێ.
دیاربوون و وهراربوونا رۆژنامهڤانیا كوردى ههردهم گرێداى كاودانێن سیاسى و بزاڤا ئازادیخواز بوویه، بگر و بكێشێن كێشهیا كوردى ههردهم كارتێكرن ل رۆژنامهڤانیا كوردى كرینه و چهندى كاودانێن سیاسى بهر ب باشیێ چبن، ههلبهت رهوشهنبیر و رۆژنامهڤانێن كوردان هزر ل دهرخستنا رۆژنامه و كوڤارێن نوو كریه.
پهیاما نیشتمان پهروهرى و مرۆڤایهتى یا رۆژنامهڤانیا كوردى ههردهم ڤیایه رهئیا ههڤدژ ژى تێدا ههبیت و ژێدهرێ دهنگ و باسان بیت و ب رێیا وێ باوهرى بۆ كوردان پهیدابوویه كو خودان مافن و رهخنه ل دهستهلاتێن وى سهردهمى كریه، بهلێ د چارچووڤێ وهلاتپارێزیێ دا.
ههكه ئهم ل رۆژا ئهڤرۆ بهرێخودانێ ل رۆژنامهڤانیا كوردى بكهین، دێ بۆ مهدیاربیت كو كاودانێن دیمۆكراتى ل ههرێمێ و پێشڤهچوونا ئالاڤ و تهكنیكێن رۆژنامهڤانیێ و تێگههشتنا نامهیا رۆژنامهڤانیێ ژلایێ خواندهڤانى، بووینه ئهگهرێ وێ چهندێ كو رۆژنامهڤانیا مه بهرهنگارى هندهك ههڤڕكیێن نوو ببیت، جیهان ل دهوروبهرێن مه یا هاتیه گوهۆرین و گهلهك گۆرانكارى ژى د كۆمنیۆكێشنا جهماوهرى دا پهیدابووینه و هندهك رێیێن نوو ژى سهرهلدایه، ل دهسپێكا وانژى پهیدابوونا تێلهفزیۆنێن سهتهلایت و ئهنترنێت و رۆژنامهڤانیا ئهلكترۆنى، ههڤركى د ناڤبهرا ههموو جۆرێن راگههاندنێ دا پهیداكریه و پهیامان ب چهند چركهیان پشتى روودانێ بۆ خهلكى دگههینن و سنۆرێن جوگرافى و سیاسى ژى د بهزینن و ل دووڤ گۆتنێن زانایێ كهنهدى (مارشال ماكلوهان) جیهان یا بوویه گوندهكێ بچووك و راگههاندن بوویه ئهگهرێ پێكئینانا رایا گشتى و گوهۆرینا وێ و دیسان بوویه ئالاڤهكێ راگههاندنێ بۆ فشاركرنێ ل سهر حوكمهت و خودان دهستهلات و بڕیاردهران و ئالاڤهك ژ ئالاڤێن دیمۆكراتیا ئێكسهر.
ئهڤ دیمۆكراتیا راستهوخوه بوویه ئهگهر (ژبلى رۆژنامهڤانیا زهر)، هندهك دهزگههێن مێدیایێ دهركهڤن كو د ناڤ ههرێمێ دا تیرۆرا هزرى پهیدابكهن و ببنه (جاش میدیا) و زورنابێژێن دوژمنان و ههر پهیامهك كو خزمهتكرنا وهلاتى تێدا بیت ل پشتگوه بهێته هاڤێتن و ئازراندنا هزرا دوژمنان و دوژمنكاریێ ب مهرهما كارتێكرن ل دهروونیا خواندهڤان و تهماشهڤانێن خوه، خهلك ژى نهچاردبیت هێرشى سهر بارهگایێن وان بكهت و ئهو هزردكهن كو هێرشكرن تێكدانا ئازادیێ یه، یا دروست دڤێت ئهو هزربكهن ههبوونا وان بۆ خزمهتكرنا دوژمنان مهزنترین ئازادى یه (یا نهچارى) ل ههرێمێ ب وان هاتیه دان، چونكو ئازادیا رادهربرین و رۆژنامهڤانیێ ئهو نینه د ناڤ وهلاتێ خوه دا خزمهتا دوژمنان بكهى.
ل وهلاتێن جیهانێ ژى نینه تو خزمهتێن خوه یێن میدیایێ ل وهلاتى پهخش بكهى و دژى ههموو خواستێن وهلاتیێن وى بى، یان ببیه رێگر بۆ بدهستڤهئینانا ئارمانجێن نهتهوى یێن وى وهلاتى و ل جیهانێ گهلهك دهزگههێن مێدیایێ ژبهر ڤێ چهندێ هاتینه داخستن و رێ بۆ نههاتیه دان بهردهوامیێ ب كارێ خوه بدهن، چونكو جاشێن سیاسهتێ و جاش مێدیا وهكو ئێك كار بو نهدهستڤهئینانا خواستێن مللهتى دكهن.
باشتره ئێدى حوكمهتا ههرێمێ قانوونهكا وێراكانه ههبیت و ب ئاشكهرایى پێناسا (جاش میدیا)یێ بهێتهكرن و كا چاوا رهفتار ل گهل كارێن سیخوریێ دهێته كرن، وهسا ل گهل وان دهزگههان ژى بهێته كرن و چاڤدێرى و زێرهڤانیهكا تۆند ل سهر پهیامێن وان ههبیت نهخاسمه د دهمێن شهران دا و دهمێ ئاسایشا ههرێمێ دكهڤیته ل ژێر مهترسیێ.
