جان
بابه محه‌مه‌د
جان
ده‌ما دچی.!
روحا من ژی د گه‌ل خوه ببه
ژ به‌ر كو ژیان
د ناڤ گۆڕستانێ دا گه‌له‌ك تاله
رۆژێن وێ دكورتن
شه‌ڤ د تاری و بێ كه‌سن
جان
هه‌ر ده‌ما دچی
هزرا من….. دلێ من
چاڤێن من….. ژیێ من
هه‌میێ ل پشتا خوه بكه
ب خودێ كه‌م جان
نه پشتی ته چو كه‌سان دبینم
نه دگرنژم
نه ژی دژیم قوربان
هه‌ی جان و جان… جان گوری
ئه‌ڤه ئه‌ز چووم
لێ وێنێ ته یێ نه ژبیركری
من ل سه‌ر وی تابلۆیێ د ناڤ كه‌ڤالێ
ب هه‌می ره‌نگێن ڤیانا دلێ خوه
یێ نه‌خشاندی…
و د ناڤ پارزینگێ رێڤینگیا خوه دا
ب ملێ ره‌خێ چه‌پێ ڤه
یێ هه‌لگرتی…
جان.. ئه‌ڤه ئه‌ز چووم
دا بخه‌بتم
هه‌تا ئه‌لندا رۆژێ
ب ئازادی ل سه‌ر روومه‌تێن ته بهه‌لێت
هه‌تا هه‌یڤ ب تاریا شه‌ڤێ
فیسته‌ڤاله‌كا عه‌شقێ بۆ ته بگێریت
هه‌تا هه‌ناسه‌یێن نه‌رم
سیهێن سینگێ ته ب ته‌ناهی
ب نخێڤیت…
جان ئه‌ڤه ئه‌ز چووم
و ل به‌ندا من نه‌به گه‌ر نه ڤه‌گه‌رێمه‌ڤه..!!
هه‌تا ژیانا.. من.. د گه‌ل ڤیانا..ته…
ل سه‌ر نیشتمانه‌كی ب ئازادی بگرنژیته ڤه…
و د هه‌مبێزا هه‌ڤدا
ئه‌ز و تو
دیسان پێكڤه بژینه ڤه…
