جـادەیێن گـوندێن نـاوچـەدارییا دێرەلـۆكـێ دهێنە قێڕكـرن
ئامێدیێ، مەحمود نهێلی:
ژ بۆ پتر گرنگیدان ب گوندان و گەهاندنا پڕۆژەیێن خزمەتگوزاری بۆ وەلاتیان، ب تایبەتی ژی گەهاناندنا جادە و چێكرنا كۆلانێن ناڤخوەیی یێن گوندان، دەست ب قێركرن و سەبكرنا جادەیێن ناڤخوەیی یێن دو گوند و كۆمەلگەهەكا سنۆرێ ناوچەدارییا دێرەلۆك هاتە كرن.
نزمی سەعدین عەزیز، ئەندازیارێ سەرپەرشتێ پڕۆژەی بۆ رۆژناما ئەڤرۆ دیار كر، ئەڤە ئێكە ژ وان پڕۆژەیێن ڤێ داویێ رازیبوون ل سەر هاتیە كرن و گۆت: «ئەڤ پڕۆژە نوكە د قووناغێن دووماهیێ دایە و ژ قێركرن و سەبكرنا رێكێن ناڤخوەیی ل گوندێن هاریكا و گەلەكا و كۆمەلگەها هێتووتێ ب درێژاهیا دو هزار و 375 مەتران پێك دهێت».
گۆتژی: «گوژمێ 663 ملیۆن دینار ژ بۆ ئەنجامدانا ڤی پڕۆژەی ل سەر بودجا حكومەتا هەرێما كوردستانێ هاتبوونە تەرخانكرن و د دەمەكێ نێزیك دا دێ كەڤیتە د خزمەتا خەلكێ ڤان گوندان دا».
