جلكێن لـەشكرێ كـورد
ئیمان نـەزیر رەمـەزان
تشتەكێ خۆیایە كو جلوبەرگ پێدڤیەكا گرنگە ژبۆ هەر كەسەكی، چونكی پاراستنا لەشی ژ هەر كاودانەكی دكت، د هەمان دەم دا پاراستنا لەشی دكەت ژ هەر دیتنەكێ، هەر كەسەكی بچیتە د ناڤ رێزێن لەشكری دا، ئێكەم جار دڤێت بەژن و بالا خۆ ب جلوبەرگێن لەشكری ڕاپێچیت و ڕاپێچانا جلوبەرگێن لەشكری بەژن و بالا لەشكری بەرچاڤ دكەت و ماقویلیەكێ ددەتە كەسایەتیا وێ راپێچانا ب جلكێ لەشكری جیاوازیەكێ دئێخیتە د ناڤبەرا كەسێ لەشكر و كەسێ ئاسان دا، دكەڤن دا و د دیرۆكا نەتەوەیا گەلی كورد دا راپێچانا لەشكری ب جلوبەرگێن كوردی ب مەبەستا لەشكریێ دهاتە گرێدان، ئەگەر بهێین و جیاوازیەكێ بێخینە د ناڤبەرا جلوبەرگێن سەردەمێ نها و یێ كەڤن دا، ئەوا لەشكرێ كورد بكاردئینا ئەم چ جیاوازیەكا وەسا نابینین ل گەل جلوبەرگێن سەردەمێ نها، ئەو كەسێ دبیتە لەشكر ئەركەكێ مەزن ژ بۆ پاراستنا شەڕ دكەڤیتە ل سەر ملێن وی.
پێدڤیێن پاراستنا ئەنیشك و زەندا: ژ بۆ پاراستنا لەشكری ژ هەر كەفتنەكێ دهێنە بكارئینان، دا كو ئەنیشك و زەند نە سەلخن و نەئێشن دكەڤن دا باب و پاپیرێن مە تیل و لەوەندی بكاردئینان ب زەندێن خۆ دنالاندن و گرێددان ژبۆ پاراستنا زەندا ژ هەر كەفتنەكێ.
1ـ چانتێ پشتێ: ژبۆ هەلگرتنا پێدڤیێن لەشكری دهێتە بكارئینان.
2ـ تفەنگ: هەردەم هەڤال و هەڤپشكە ل گەل جلوبەرگێن لەشكری ژبۆ وێ چەندێ لەشكر بەڕەڤانیێ ژ خۆ بكت د دیرۆكا كەڤن دا خەنجەر ژی چەكەكی بچووك دهاتە بكارئینان، لێ بارا پتر دگەل راپێچانێ دهات.
3ـ رەخت: ژ بۆ هەلگرتنا فیشەكا فیشەك دچنە د ساجۆری دا و ساجۆر دچیتە د رەختی دا.
4 ـ پلە: پلەیا لەشكری دیار دكەت دكەڤیتە ل سەر ملێن لەشكری پلە ژ (ملازم، ملازمێ ئێكێ، نقیب، رائد….هتد).
5ـ قەیتان: دكەڤیتە ل سەر ملێن لەشكری، یەكە و جهێ لەشكری دیاردكەت، چونكی هەر قەیتانەكێ رەنگێ خۆ یێ تایبەت هەیە.
6ـ بێرییە (كۆمك): لەشكر دادنیتە سەر سەرێ خۆ، بێرییان ژی رەنگێن خۆ هەنە، چونكی هەر تشتەك رەنگێ خۆ یێ تایبەت ددەت.
