جلکێن زڤستانێ ل سەر 50 هزار زارۆیێن ئاوارە هاتنە بەلاڤکرن
ئەڤرۆ نیوز ، عەلی حاجی :
دەزگایێ بارزانی یێ خێرخوازی ب ھەڤکاری دگەل یونیسێڤ زێدەتری ھەیڤەکێ یە ل پارێزگەھا دھوکێ رابووینە ب بەلاڤکرنا جل و بەرگێن زاروکا یێن زڤستانێ ل سەر زێدەتری ٥٠ ھزار زاروکێن ئاوارە ل کەمپێن پارێزگەھا دھوکێ دژین .
ل دور ڤێ چەندێ محەمەد مەھدی رێڤەبەرێ پروژەیێ بەلاڤکرنا پێدڤیێن زاروکا بو وەرزێ زڤستانێ بۆ ئەڤرۆ نیوز گوت : ژبەر ھاتنا وەرزێ زڤستانێ دەزگایێ بارزانی ب ھەڤکاری دگەل یونیسێڤ نێزیکی ھەیڤەکێ رابوینە ب بەلاڤ کرنا جل و بەرگێن زاروکا ل سەر ئاوارێن ل کەمپێن پارێزگەھا دھوکێ دا دژین بۆ زاروکێن ئێک روژی ھەتا چاردە سالی و ئەو ھاریکاری ھەمی پێدڤیێن زاروکان یێن زڤستانێ ب خوەڤە دگریت ، ل ھەر ئێک ژکەمپێن ( باجد کەندالا و بێرسڤ ئێک و بێرسڤ دوو و قادیا و جەمشکو و خانکێ و ماملیان ) ئەو ھاریکاری ھاتینە بەلاڤ کرن و ل نوکە دا زێدەتری ٥٠ ھزار زارۆیان ئەو ھاریکاری وەرگرتینە .
ناڤبری زێدەتر گوت : نوکە ئەو ھاریکاری ل سەر زاروکێن کەمپا خانکێ دھێنە بەلاڤکرن و پشتی سێ روژێن دی دێ ئەو ھاریکاری ل سەر زاروکێن کەمپا دەرکارێ ژی ھێنە بەلاڤ کرن و ھەر دیسان دبیت ل ماوێ بھێت دا ئەو سێ کەمپێن مای ژی ھاریکاری بگەھنە دەستێ وان و مفای ژوان ھاریکاریان بینن .
