جه‌میل ره‌شید: یاریگه‌ه به‌رهه‌ڤه و یا نێڤده‌وله‌تی پێدڤی ب ئامیرانه
ئه‌ڤرۆ، عه‌لی حاجی:
پشتی سه‌رۆكێ حوكمه‌تا هه‌رێما كوردستانێ بڕیاردایی پشته‌ڤانیا یانا زاخۆ ب كۆژمێ 650 ملیۆن دیناران وه‌كو هاریكاریا دارایی بكه‌ت، كارگێریا یانا زاخۆ ده‌ست ب نووژه‌نكرنا نا یاریگه‌هێن خوه یێن ته‌پا پێی كریه و یاریگه‌ها سێیێ بۆ راهێنانا به‌رهه‌ڤكریه.
لدور ڤێ یه‌كێ جه‌میل ره‌شید رێڤه‌به‌رێ یاریگه‌هێن یانا زاخۆ بۆ رۆژناما ئه‌ڤرۆ گوت: ب سۆپاسی ڤه پشتی به‌رێز مه‌سرۆر بارزانی هاریكاریا یانێ كری ژبۆ چاره‌سه‌ركرنا ئاریشێن مه ژوانا سه‌خبیركرنا یاریگه‌هێن ته‌پا پێی، ئه‌م شیاینه د ده‌مه‌كێ گۆنجایی دا یاریگه‌ها سێیێ یا راهێنانا بۆ تیمێن مه به‌رهه‌ڤ بكه‌ین و د نوكه دا كار ل سه‌ر سه‌خبیركرنا یاریگه‌ها نێڤده‌وله‌تی دكه‌ین ژوانا فریزه‌یێ یاریگه‌هێ لێ بتنێ چاڤه‌ڕێ ئینانا ئامیره‌كێ تایبه‌ت یێ فریزه‌یی نه ژبۆ چاڤدانا وێ پێخه‌مه‌ت باشترین شێوه بهێته پێشچاڤ و یاریزان بشێن یاریێ ل سه‌ر بكه‌ن.
هه‌روه‌سان ناڤهاتی ئه‌وچه‌نده ژی نه ڤه‌شارت كو ئاریشا مه‌زن یا یاریگه‌هێ نه‌بوونا ئه‌وێ ئامیرێ تایبه‌ت یێ سه‌خبیركرنا فریزه‌یه و گوت: هه‌ر ده‌مێ یاریگه‌ها نێڤده‌وله‌تی یا زاخۆ پێدڤی ب وی ئامیره‌یی با نه‌چاربووین ژ یاریگه‌ها یانا دهۆك بینن ئه‌وێن ب سۆپاسی ڤه لدووڤ شیانا هه‌ڤكار بووین ل گه‌ل مه لێ ئه‌ڤه نه چاره‌یه ژبه‌ركو گه‌له‌ك جاران هه‌ردو یاریگه‌ه د ئێك رۆژدا پێدڤی بووین، گه‌شبینم ئه‌و كۆژمه‌یێ بۆ هاتیه دابینكرن د ده‌مه‌كێ نێزك دا َ كارگێریا یانێ دابینكه‌ت ژبۆ چاره‌سه‌كرنا ئاریشێن مه.
