جه‌نگیزخان و خوه‌فرۆش
كورته چیروك..
وه‌رگێران: نه‌زیر چه‌مباهیڤی
ل ده‌ما جه‌نگیزخان سه‌ركردێ مه‌غولیا هێرش كریه باژێرێ بوخاری، ئاسته‌نگ بۆ په‌یدابوون و نه‌شیا ئارمانجێن خوه ب ده‌ستڤه بینت، خه‌لكێ باژێری خوه‌راگری كر، جه‌نگیزخان نامه بۆ خه‌لكێ باژێری هنارتن و تێدا نڤیسی هه‌ر كه‌سێ شه‌رێ مه نه‌كت، دێ یێ پاراستی بیت و هێته هژمارتن ژ لاینگرێن مه، و هه‌ر كه‌سێ دژی مه بت، دێ ئه‌وی ب خێزان ڤه كوژن و سامانێ وی ده‌نه یێن لاینگرێن مه، رۆژا دی باژێر بوو دو پشك، پشكه‌كێ چه‌كێ خوه دانا و په‌یوه‌ندی ب هێزا مه‌غولیان كر و پشكا دی خوه‌راگر بوون و شه‌ر دژی مه‌غولیان كرن، جه‌نگیز خان بریاردا وێ پشكا خوه راده‌ستی هێزا وی كرین، هه‌كه هوون دژی پشكا دی رابن و هاریكاریا مه د شه‌ری دا بكن، ئه‌ز دێ ده‌ستهه‌لاتا باژێری راده‌ستی هه‌وه كم و هوون دێ خوه ب رێڤه بن، وێ پشكا خوه‌فرۆش و خوه راده‌ست كری شه‌رێ پشكا دی كرن هه‌تا ژناڤ برن، جه‌نگیزخان بریار دا باژێر ژ چه‌كی ڤالا بیت، ژ به‌ر ئارامیێ و خوه‌فرۆش هه‌می ژ چه‌ك كرن، پاشێ هه‌می خه‌لكێ باژێری ل گوره‌پانا باژێری كۆم كرن و ئه‌ڤ گۆتاره خواند (هه‌كه ئه‌ڤێن خوه‌ڤرۆش و هاریكاریا مه كرین جهێ باوه‌ریێ بان خوه نه‌دفرۆتنه مه و دژی مله‌ت و خه‌لكێ خوه شه‌ر نه دكر، هوون هه‌می ژ ئێك زمان و خوینن و هه‌وه خوه نه دفرۆت و پشتا مه نه‌دگرت، ئه‌م داگیركه‌ر و بیانی نه) و بریار دا هه‌می ئه‌و سه‌ركردێن پشكا خوه‌فرۆش ل پێشچاڤێن خه‌لكێ سه‌رژێكرن و كوشتن، هه‌تا نها ژی د ناڤ گه‌له‌ك مله‌تان دا خوه‌فرۆشی كاره‌ك ره‌وایه و دوماهیا وان فه‌نایه ب ده‌ستێ داگیركه‌ران؟.
ژێده‌ر: ابن الاپیر (الكامل فی التاریخ).
