جه‌ژنا ئه‌ڤینێ
حسنی عه‌لی رێكانی
من دڤێت و نزانم چاوا
ل ته پیرۆزبكه‌م جه‌ژنا ئه‌ڤینێ
چاوا هه‌ستێ خۆ بۆ ته دیاركه‌م
ب چ په‌یڤ و ڕامان ده‌ربرینێ بكه‌م
چاڤێت ته ده‌ریایه ژ ئه‌شقێ
قه‌ست دكه‌مێ وگه‌رمێ ژێ وه‌ردگرم
گڕنژینا ته ژبۆ من
جیهانێ دده‌نه من
ل ناڤ پێلێن ده‌ریای و زڤرۆكێن وێ
گه‌می بۆ گه‌شته‌ك ئارام ڤه‌دگوهێزی
ل ئه‌سمانێ دنێ هه‌یڤا رۆهنی بۆ شه‌ڤێن من
په‌یڤێن من دبنه هه‌لبه‌ست ومینا ستێرا دله‌یزن
وه‌ك تاڤا بارانێ ب دلۆڤانی ل به‌ژنا ته دبارن
مینا گولان رۆن وگه‌ش دبی
ئه‌و عترا ته یا جیاواز دبیته
هه‌ناسه‌ك كوور بۆ ناخێ من
ل ناڤ لولێن خوینێ دگه‌ری
ددلی دا خۆ دچه‌سپینی
ڤیان، ڤێ په‌یڤا ب چار پیتان پێڤه دئالینی
ل ناڤ جانێ من دا دحه‌لی
هێز و شیانا دده‌یه من
ناڤ هزر و بیرا ئاڤا دكه‌ی خه‌یالێن من
هه‌ر تم نازكیا ده‌نگێ ته تنێ یه ل به‌رگوهێ من
دبنه ئاواز بۆ سترانێن من
باوه‌شه‌ك ل بهارا خوشه‌ویستی
ناڤ باخ وگولزارا ب ته شادم
ژ مسك وعومبه‌رێ فره‌ه دكه‌ی بێهنا من
ژ بۆ ته چه‌ند رێزكه‌م سالۆخه‌تا
گه‌رچه‌ندپێنووسێ من بنڤیسیت
به‌لگێن دارا ببن تێنووسێن من
تابلۆیه‌ك هه‌ژی ژهه‌می ڕه‌نگا
نه‌خش ونیگار دكه‌م وێنه‌یێ ته
ئاشقێ ته مه وه‌كی دینا
پتر ژ یا مه‌م وزینا
هه‌ڤركیا جیهانێ هه‌میێ دكه‌م
ل ڕۆژا ئه‌ڤینێ جوانترین دیاری
ئه‌و گولا سۆر یا تو حه‌ز ژێ دكه‌ی
پێشكێشی ته بكه‌م وبێژمه ته
ل هه‌ر چركه‌كێ لێدانا دلێ منی
ل هه‌رخۆله‌كه‌كێ خوشتڤیا منی
هه ڕۆژ ئومێدا منی
هه‌رسال توز ئه‌ڤینا منی
ته‌مه‌ن وسالێن منی
ته‌ڤده‌م جه‌ژنه بۆ من و ته
وار و جهێ ته ل ناڤ خوین و دلێ منی.
