جه‌یلان محه‌مه‌د: ئه‌ز هێزا خوه دناڤ به‌رنامێن خوه دا دبینم
دهۆك، شاكر ئه‌تروشی:
جه‌یلان محه‌مه‌د، پێشكێشكارا به‌رنامێن (ره‌نگێ ئێڤاری) و(له‌گه‌ل ئێوه) ل ده‌زگه‌هێ سه‌ته‌لایتا كوردستانێ، د دیداره‌كێ دا بۆ رۆژناما ئه‌ڤرۆ دیاركر كو ئه‌و خه‌لكا رۆژئاڤایێ كوردستانێ یه، ل سالا 1997 ل باژیرێ دێركا حه‌مكۆی ژ دایكبوویه، دژیه‌كێ بچووكدا حه‌زا راگه‌هاندنێ ل ده‌ف هه‌بوویه، ل سالا 2015 ده‌لیڤه بۆ هات و بۆ پێشكێشكارا به‌رنامێ پرس و خه‌لات ل (كه‌نالێ وار) كو وێستگه‌هێ وێ یێ ئێكێ بوویه دناڤ راگه‌هاندنێ دا، دووڤدا ل سالا 2019 چوویه كه‌نالێ زاگرۆس تیڤی یێ عه‌ره‌بی و نێزیكی ساله‌كێ ل وی كه‌نالی كاركریه، ل هه‌یڤا شه‌ش ل 2020 چوویه ده‌زگه‌هێ سه‌ته‌لایتا كوردستانێ و هه‌ر ژوی ده‌مێ هه‌تا نوكه هه‌ردو به‌رنامێن ناڤهاتی پێشكێش دكه‌ت.
جه‌یلانێ گۆت: به‌رنامێ ره‌نگێ ئێڤاری ئه‌ڤه ژیێ وی بوو ساله‌ك، یێ دویێ ژی د هه‌یڤا ره‌مه‌زانێ دا مه ده‌ستپێكریه، بۆ من چو جوداهی د ناڤبه‌را هه‌ردو به‌رنامان دا نینن و ئه‌ز ب پێشكێشكرنا وان یا ئارامم، چنكو هێزا خوه دناڤدا دبینم، بۆ زانین خێزانا من بگشتی و دایك و بابێن من ب تایبه‌تی گه‌له‌ك پشته‌ڤانێن منن و هه‌كه ئه‌و نه‌بان ئه‌ز نه دگه‌هشتمه ڤی ئاستی، ژبلی من برایێ من (دلخواز محه‌مه‌د) ژی كارێ راگه‌هاندنێ كریه و ده‌مه‌كی ل كه‌نالێ وار په‌یامنێر بوو.
ده‌رباره‌ی شووكرنێ ژی نوكه ژیێ من (24) سالن، جارێ من نه‌ڤێت شوو بكه‌م، و نه مه‌رجه ئه‌و كه‌سێ ئه‌ز شوو پێ دكه‌م راگه‌هاندكار بیت، به‌لكو بلا كه‌سه‌كێ ساده ژی بیت به‌س خودان كه‌سایه‌تیه‌كێ بهێز بیت و رێزێ ل من و كارێ من بگریت،
