جوانترین وه‌رز بۆ وێنه‌گرتنێ بهار و پایزن
ئاكرێ، ره‌مه‌زان زه‌كه‌ریا:
فۆتۆگرافه‌ر هه‌ڤال سه‌باح، ددیداره‌كێ دا بۆ رۆژناما ئه‌ڤرۆ گۆت: بابێ من د سالێن نوتادا كارێ وێنه‌گریێ دكر، له‌ورا ده‌مێ من كامیره هه‌لگرتی بۆمن كاره‌كێ ب زه‌حمه‌ت نه‌بوو، چنكو ژبه‌ر بابێ خوه من جۆره شاره‌زایه‌ك دكامیرێ دا هه‌بوو، كارێ فۆتۆگرافه‌ریێ ژی وه‌ك هه‌موو كارێن دی گرێدایێ حه‌ز و ڤیانێ یه، هه‌كه فۆتۆگرافه‌ریێ حه‌ز ل گه‌ل نه‌بیت مرۆڤ نه‌شێت ببته فۆتۆگرافه‌ره‌كێ سه‌ركه‌فتی.
زێده‌تر گۆت: پێدڤیه فۆتۆگرافه‌ر ل گه‌ل وان پێنگاڤان بچیت كو بسه‌ر كارێ فۆتۆگرافه‌ریێ دا دهێن، ژبه‌ر پێشكه‌فتنا ته‌كنه‌لۆژیایێ هه‌موو وێنه‌یان باگراوه‌ند و گۆشا وێنه‌یی ب كارێن سه‌ره‌كی دزانم بۆ وێ چه‌ندێ وێنه‌یه‌كێ جوان بگرم، و ژلایێ من ڤه جوانترین وه‌رز بۆ وێنه‌گرتنێ وه‌رزێ بهار و پایزێ یه، ژبه‌ركو ئه‌ڤ هه‌ردو وه‌رزه د ره‌نگاو ره‌نگن و وێنه‌ی ژی چه‌ند ره‌نگ زێده‌تر تێدابن جوانتره، ئه‌و كه‌سێن ل ده‌مێ وێنه‌گرتنێ هونه‌رێ راوه‌ستانێ دزانن وێنه‌یێن وان جوانترن، هه‌ر ده‌مێ پرسیاره‌ك بۆ من دروست دبیت و به‌رسڤێ نه‌زانم ل ناڤ تۆرێن ئه‌نته‌رنێتی ل دووف دگه‌ریێم. بۆ زانین ل هه‌رێما كوردستانێ فۆتۆگرافه‌رێن گه‌له‌ك باش هه‌نه به‌رده‌وام كارێ فۆتۆگرافه‌ری به‌ر ب پێشڤه دچیت .
