جوانیا سروشتی دكەتە كەڤال
هەرهین محەمەد:
شێوەكاری(محەمەد عەلی) د دیدارەكی دا بۆ رۆژناما ئەڤرۆ گۆت: پتریا كەڤالێن من دەربڕینێ ژسرۆشتی دكەن، چونكو ئەز ب خوە ژی چیاڤانم دناڤ سرۆشتی دگەڕم و دناڤ سرۆشتی ژی دا یێ مە زن بوویم و ژبەر كو خەلكێ ناوچەیا قەلادزێ و جهەكێ چیایی یە سرۆشتەكێ جوان یێ هەی و ئەڤ چەندە ژی بوویە ئەگەر دناڤ سرشتی دا كاربكەم و ئەز وەكو شێوەكارەك پتر ل سەر هزرو بیران كار دكەم و ل بابەتی دگەرم كو دناڤ جڤاكی مە دا هەبیت و ئەو هەست پێ نەكەن، بەلێ هندەك جاران كەس هەبووینە داخوازا كڕینا كەڤالان ژ من كریە و ئەو چەندە ژی جهێ دلخۆشیێ یە .
ناڤهاتی گۆت: نوكە ل سەر كەڤالەكی كار دكەم ل سەر كاروانی و چیا و كولبەرایە كو ناوچەیێن سنۆرێ رۆژهەلات كوردستانێ و باشۆرێ كوردستانێ روو ددەت و چونكو بابێ من كاروانچی بوو لەورا من ئەو بابەتە هەلبژارتن و چێكرنا كەڤالان بەهرەیا من یا زارۆكینیێ بوویە و تشتەكە دناڤ خوینا من دا و بەری بچمە ل كولیژا هونەرێن جوان چ پشكێن دی دهزرا من دانە بوون و دەمێ چوویمە وێرێ حەزا من پتر لێ هات و رۆژ بۆ رۆژێ من داهێنان دكارێ خوە دا كر و من هزرێن نوو دئینانە هەبوونێ .
