جوانیا ژنێ چاڤ دچنێ و دلینیا وێ دل ل دۆر دزڤرن
ئه‌ڤرۆ:
دلینی ساخلەتەکە ھەمی ژن تێدا دپشکدارن، بەلێ ب پلێن جودا جودا، ئەڤ ساخلەتە دمینیتە ل گەل ژنێ و ب دلێ وێ یێ نازک ڤە دنووسیێت و ھەتا ھەتایێ دمینیتە ل گەل، ئەو ژنا خودان دلینی بێی دەستویری دچیتە د دلان دا، جوانیا ژنێ چاڤ دچنێ، بەلێ دلینیا وێ دل ل دۆر دزڤرن.
ئەڤجا چەند جوانە تو یا دلین و نازک بی و خۆشتڤیێن خوە تێدا نقوم بکەی، بزانە کو دلینی کورترین رێیە بۆ بدەستڤەئینانا دلێ زەلامی، نە مەعیدێ وی وەکو دبێژن، زەلام وەکو زارۆیێ بچووکە حەز دکەت بەردەوام د ناڤ دلینی و چاڤدێری و ڤەحەواندنا تەدا بیت، ئەو نھێنیا گرێدانا ویە ب تەڤە، ئەڤە ب ھێزترین رێیە کو زەلامی د عشقا خوەدا بکەڤزینی، بکە ئێخسیرێ دلینیا خوە دا بەردەوام د کەیف و خۆشیان دا بژی.
دلینی پاسووردێ ڤەکرنا ھەمی دەرگەھێن گرتیە، ژنا دلین یا خودان دلەکێ نازک ژ ھەمی تشتا پتر زەلامی کەیفخۆش دکەت، ئەو ژێدەرێ دلشادیا ویە خو کیڤە بچیت.
ب شێوەکێ گشتی دلینی ساخلەتەکە ھەمی کەس حەز ژێ دکەن خو ھەکە کەسەکێ دلرەق ژی بیت دێ پێدڤی ب دلینیێ بیت بەلێ نەشێت دلینیێ ب کەسێ ببەت، دلینی دیاریەکە ژ خودایێ مەزن ددەتە خودان دلێن نازک یێن دلینیەکا مەزن ھەی کو بەرێ وان ددەتە ھەستکرنێ ب ھەمی تشتێن دەوروبەران کو مەزنترین و پاقژترین دل یێ ھەی، تو ژی خانما ھێژا ببە ئێک ژ خودانێن ڤان دلان چونکو حەزژێکرنا خودێ مەزنترین دیاری و پاداشتە کو د ئەنجام دا حەزژێکرنا خەلکی بۆ مرۆڤی دئینیت.