جوانی نە مەرجە بۆ پێشكێشاریێ
دلۆڤان هالۆ:
ئەلماس عەزۆ، پێشكێشكارا كوردستان تیڤی، د دیدارەكێ دا بۆ ڕۆژناما ئەڤرۆ گۆت: دژیێ دەهـ سالیێ دا من دەست ب كارێ ڕاگەهاندنێ كر، ل پشكا زاڕۆكان ل كوردستان تیڤی، پشتی هینگی بوومە پێشكێشارا نووچەیێن سیاسی و خواندنا من یا پەیمانگەهێ و زانكۆیێ ژی هەر ل پشكا ڕاگەهاندنێ بوویە، نوكە ژی قوتابیا ماستەرێ مە ل پشكا ڕاگەهاندنێ، لەوما ڕاگەهاندن چوویە د ناڤ خوینا من دا و ئەز یا ل گەل ڕاهاتیم.
ناڤهاتیێ گۆت: ب بۆچوونا من جوانی نە مەرجە بۆ پێشكێشاریێ بەلكو دەنگ و بەهرە و هێز و شیان ل پێشیا هەر تشتەكێ یە كو مرۆڤ بشێت ببیتە كەسەكا سەركەڤتی د بیاڤێ پێشكێشكاریێ دا، و خێزانا من هەمی پشتەڤانا كارێ منە، چونكی ل كوردستانێ ئەگەر خێزان پشتەڤانیا مرۆڤی نەكەت مرۆڤ نەشێت ببیتە كەسەكا سەركەفتی د بیاڤێ ڕاگەهاندنێ دا،پێشكێشكاریێ خۆشیا خوە یا تایبەت هەیە، لێ ئافرەتا كوردستانێ ئاستەنگ ل پێشیا وێ هەنە كو گەلەك جاران دبیتە قوربانیا ئاخفتنان، لێ یا گرنگ ئەوە كو مرۆڤ كەسەكا بهێز بیت و بەردەوام بیت ل سەر كارێ خوە و ژ بۆ پێشكێشكاریێ داخوازی ژ گەلەك كەنالان بۆ من هاتینە، لێ كوردستان تیڤی مالا من یا دویێ یە و نەشێم دەستان ژێ بەردەم و هندی ئەز كارێ ڕاگەهاندنێ بكەم دێ هەر ل وێرێ بم، چونكی كوردستان تیڤی ئەز گەهاندمە ڤی ئاستێ نوكە، و بۆ من یا ب زەحمەتە ئەز مالا خوە یا دویێ بهێلم و مالباتا من ژی حەز ناكەن بچمە كەنالەكێ دی و ئارمانجا من ئەوە كو ئەز خواندنا خوە یا ماستەرێ ب دووماهی بینم و ببمە مامۆستایا پشكا ڕاگەهاندنێ.
